صور صادمة لتعذيب طفل بالضرب داخل حضانة بالهرم
تقدمت ولي أمر طفل يدعى حمزة ويبلغ من العمر سنتان ببلاغ ضد حضانة ألحقته بها؛ بدعوى تعذيبه بالضرب داخلها.
ونشرت الأم التي تدعى إسراء هيكل عبر حسابها الشخصي على موقع التواصل الاجتماعي «فيسبوك» صورا يظهر فيها الضرر الجسدي الذي تعرض له الطفل، مرفقة إياها بتقرير الطبيب المرفق بالبلاغ، والذي يثبت الإصابات التي تعرضلها الطفل.
وكتبت الأم عبر حسابها: «أودي أبني حضانة كنزي اللي في شارع المستشفي ما بين الهرم و فيصل ٣ أيام يرجعلي اليوم التالت وشه وجسمه متشوهين و أنا أبني عنده سنتين ومش بيتكلم».
وأضافت: «وصاحبة الحضانة الكذابة تقولي وقع من على المرجيحة ولما اطلب اراجع الكاميرات تتهرب و تتحجج بحجج غير مقنعة وتقولي مش هينفع تراجع الكاميرات أثناء اليوم الدراسي وتوعدني انها هتبعتلي مقطع الفيديو بعد ما يخلص اليوم و استناها تبعت متبعتش حاجة واكلمها تقولي مبعرفش ارجع الكاميرات و كلمت الفني».
وتابعت: «اقولها انا هاجي لحضرتك و معايا حد يرجع الكاميرات تقولي انا مش هناك و بعيدة اقولها اجي اخدك من مكانك تقولي انا مش مجبرة اعرف حد مكاني فين».
وقالت: «وبعد استفزاز كتير و كلام كتير ومماطلات نزلت روحت القسم والقسم رحلني على مستشفى الهرم عشان أعمل تقرير طبي والدكتور شاف كدمات في جسمه ورجله».
واختتمت: «لا و غير كدا منزلة اختو معاه عشان يبقي شايف حد يعرفو و يطمن من اول يوم نزلت في الحضانة سرقو حلاقها وكانو
فكرني هبلة مش هاخود بالي و لما لاقوني اخدت بالي جبهولي و قالولي لاقيناه ف الزبالة وأخته ترجعلي النهردا متخربشة ف وشها و مخبوطة ف راسها».
