إيه هو حوار البرجر اللي مالي السوشيال ميديا؟ قصة حب هدمها سندوتش برجر
تصدر ترند البرجر وسائل التواصل الاجتماعي »فيس بوك« و»تويتر« بعد الفضيحة التي أشعلتها إحدى الفتيات التي تعرضت للخداع من قبل حبيبها، إيه هو حوار البرجر وإيه علاقته بالخيانة؟
حوار البرجر
بدأ حوار البرجر عندما نشرت فتاة تدعى »نور« على صفحتها الشخصية على موقع »تويتر« تغريدة كتبت فيها: »إحساس وحش أوي ان بعد قراءة فاتحتي بيوم أكتشف انه متجوز ومخلف!«.
وتابعت »نور«: »والمفروض إني اعرف الشخص ده بقى لي 9 سنين، موضوع مضحك أوي، حقيقي أنا مصدومة صدمة عمري مش مستوعبة ان الناس بتعرف تكذب بالشكل ده، مش مستوعبة إني بعد كل السنين دي طلعت عايشة في كذبة! الحمد لله على كل شيء«.
قصة البرجر
وأضافت نور: »وكان من سنين يقول أصل مش بفتح الفيس بوك خالص، طلع كل ده عشان متجوز ومش عايز إني أكشفه! يلا الحمد لله على إنه كشفه على حقيقته، صدمة شديدة أوي بس ربنا مش بيعمل حاجة وحشة«.
ونشرت نور مع تغريدتها التي أشعلت غضب الكثير من البنات والشباب الذين تضامنوا معها، صورة من قراءة الفاتحة تجمعها بحبيبها.
إسلام برجر
ورد إسلام برجر، وهو الاسم الذي أطلقه رواد موقع تويتر على الشاب، على تغريدة حبيبته وقال: »كله سمع وجهة نظرها وانا اللي في الآخر حياتي بايظة من ساعة ما عرفتها، لو سمحت محدش له دعوة بحياتي، اخرجي منها وابعدي عني، بتجيبي سيرتي ليه؟«.
واستطرد: »كفاية اللي حصل وبيحصل من تحت راسك، ابعدي عني لأني مش بتاع شغل العيال ده، انا بكرهك، ابعدي عني بكرهك مش عايز اعرفك تاني، ابعدي هو تلزيق وخلاص؟ عايزة إيه؟ مش هرجعلك«.
إيه هو حوار البرجر؟
كتير من الناس ميعرفوش إيه هو حوار البرجر وعلاقته بقصة نور وحبيبها اللي خدعها بعد 9 سنين حب انتهت بقراءة فاتحة، وقصة البرجر هي..
رد إسلام حبيب نور على تغريدة لبنت قالت فيها: »هي قالت عايزة ترجع لك ولا انت عشان مهزق يعني؟« وقال: »اسأليها وقفت جنبها كم مرة وعملت لها إيه وجيت على حياتي في كام حاجة عشانها بدل رمي تهم«.
سألته حبيبته في تغريدة: »كنت معرفني انك متجوز يعني!!«.
ورد: »افتكري يوم ما أكلنا برجر قلت لك إيه آخر مرة«.
وسأل مغرد: »ياسطا عايزين نعرف قلت لها إيه يوم ما أكلتوا برجر«.
وأوضحت نور: »إنه هيتجوز بنت عمه عشان مشاكل الورث، هو كده مقتنع انه قال لي انه متجوز ومخلف باين«.
وازداد التفاعل من رواد مواقع التواصل الاجتماعي على حوار البرجر وبدأوا في نشر ميمز وتدوينات للسخرية من الشاب الذي خدع حبيبته بعد قصة حب دامت 9 سنين وانتهت بسندوتش برجر.
