حرب كلامية بين تامر عبدالمنعم وحمو بيكا.. تجهيل وإقحام للوطنية
نشبت حرب كلامية بين الممثل تامر عبدالمنعم ومطرب المهرجانات الشعبية الشهير حمو بيكا في أعقاب أزمة منع مطربي المهرجانات من الغناء بقرار من نقابة الموسيقيين.
وأقيمت ندوة لنقيب لمهن الموسيقية، الفنان هاني شاكر، الثلاثاء الماضي، في صالون قصر السينما، بحضور رئيس قصر السينما الفنان تامر عبد المنعم، ورئيس الهيئة العامة لقصور الثقافة، المخرج هشام عطوة والفنان أحمد صيام وفوزى إبراهيم ممثلا عن جمعية المؤلفين والملحنين، وأعضاء مجلس نقابة الموسيقيين.
تامر عبدالمنعم وحمو بيكا
وخرج حمو بيكا، في بث مباشر عبر حسابه على «إنستجرام»، هاجم فيه تامر عبدالمنعم، قائلا: «لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح.. المكان اللي عامل عليه الندوة ده اسمه المنصة، متقولش مسرح أنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي».
وأضاف: «كنت فين لما نزلت أنا وجمهوري يوم عيد أكتوبر وعملنا احتفالية في الميادين المختلفة، هو أنتوا ليه بتتنمروا علينا، ليه بتعاملونا كأننا حشرة ليه شايفنا زبالة.. لا إحنا ولاد ناس ومتربيين وعاملين ندوة كبيرة ماتستهزأش بيا، عصر أم كلثوم وعبد الحليم انتهى، إحنا في سنة 2021».
ورد عبدالمنعم عبر حسابه على «فيسبوك» قائلا: «السؤال للدكتور حمو بيكا ولا ما حموهوش.. أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش».
وأضاف: «أما بالنسبة لوطنيتك اللي اقحمتها في الموضوع.. أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه، شكرا.. نسيت أقول لك شوف حد بيعرف يقرأ عشان يقرأ لك».
