حوار محمد صلاح وعمرو أديب: موعد اعتزاله ومشروعه في مصر وتعليقه على خماسية الأهلي في الزمالك

حوار محمد صلاح وعمرو أديب أصبح من أبرز اللقاءات التي يتابعها المصريين والعرب بل وجميع المهتمين بكرة القدم في العالم، والذي أذاعته منصة شاهد يوم الأحد 5 ديسمبر 2021.

وعلق محمد صلاح نجم ليفربول الإنجليزي ومنتخب مصر، على عديد من الأمور في حواره مع الإعلامي عمرو أديب.

محمد صلاح وعمرو أديب

وفي هذا التقرير نخبركم عن جميع تصريحات محمد صلاح مع عمرو أديب في حواره الذي طرح إلكترونيًا، قبل أن يذاع على قناة إم بي سي مصر.

وتحدث محمد صلاح عن العديد من الأمور مثل علاقته بيورجن كلوب المدير الفني لليفربول، وساديو ماني زميله بالفريق، إضافة إلى عقوبة النادي ومشروعه المقرر افتتاحه في مصر ومتى سينهي حياته كلاعب كرة قدم.

ويمكنكم متابعة الحلقة ومشاهدتها من خلال النافذة التالية:

اقرأ المزيد:

كيفية مشاهدة لقاء محمد صلاح مع عمرو أديب على منصة شاهد قبل إذاعته على MBC مصر

وإليكم جميع تصريحات في حوار محمد صلاح مع عمرو أديب:
حلقة محمد صلاح مع عمرو أديب

قريبًا سأفتتح مشروع خاص بي عبارة عن صالات جيم وأكل صحي.
أهتم بالأكل صحي وأتناول 5 وجبات في اليوم.
مش هعلق على ماتش الخامس لأنها حساسة، بس أنا قولت للعيبة الأهلي والزمالك في المنتخب أن النتيجة 5-3 مش 5-0 وتعتبر 2-0 فقط مش نتيجة كبيرة.. وممكن الأهلاوية يزعلوا مني.
يفضل السوشي والفراخ والسمك.
أول لما بنزل مصر لازم آكل علبة كشري.
مجربتش أشرب شامبانيا أو بيرة، نفسي مراحتش عليها قبل كدة ومحدش هنا بيضغط عليها.
أفضل العزلة أنا شخص بيتوتي وبحب البيت.
بسمع مزيكا أجنبي وعربي ودايما بشوف جديد عمرو دياب وحماقي وشيرين.
مهتم بالبيت وتربية الأولاد وأنا أب حنين.
زوجتي تأقلمت على العية في إنجلترا.
بنتي مكة تتحدث الانجليزية بطلاقة وبتتريق على كلامي.
مكة شخصيتها قوية جدًا وربنا يستر بعدين.
أحب في الست تسيب مساحة للراجل وتقدر أنه مضغوط ودة يخليها تكبر في نظري.
ليفربول عاتبني بعد حضور فرح أخي والإصابة بكورونا.
دايما ما أختلف مع كلوب ودا أمر طبيعي ومبنتفقش 100% هو ليه وجهة نظر وأسلوب وأنا مختلف عنه.
طبيعي أسأل المدرب أنا ملعبتش ليه وبزعل لما أطلع تبديل.
أكتر حاجه بتزعلني في الملعب لما حد ميباصيش ليا الكورة.
علاقتي بساديو مانيه كويسه والإعلام والسوشيال ميديا ضخمت الموضوع.
فيه منافسة بيني وبين ساديو مانيه كل واحد عايز يجيب أجوال وعايز يكون الأفضل ودا طبيعي.
الأنانية طبيعي تكون موجوده في الملعب أنا عايز أسجل ومانيه عايز يسجل.
التعامل مختلف تماما في مصر بين اللاعبين والمدرب عن انجلترا.
في مصر اللاعب ميقدرش يناقش المدرب ودي ثقافة غلط أنا عانيت منها.
في أوروبا الطبيعي انك تناقشه في كل حاجه بدون أي مشكلة.
بحب مورينيو وبينا تواصل باستمرار.
مفيش أي علاقة بيني وبين كريستيانو رونالدو ومتكلمناش مع بعض قبل كدة.
ليا طقوس في الملعب زي مثلا كل ماتش لازم أنزل برجلي اليمين وأطلع برجلي اليمين.
قبل كل مباراة لازم أخد دوش في الفندق ودوش في ملعب.
بتخيل المباراة قبل دخول الماتش وبتخيل الأهداف اللي هدخلها.
بعمل جلسات تأمل وتخيل باستمرار وبشوف أنا هعمل ايه في المباراة وهدخل الأهداف ازاي واللي بتخيله بيحصل غالبا.
بتدرب على اللمسات قبل الأهداف وعلى ضربات الجزاء قبل كل مباراة.
لما بلعب ضربة جزاء بعدل الكورة بحيث أشوط من اتجاه البلف.
قبل كل مباراة لازم ألعب شوية بكورة الماتش بتكون معانا في أوضة اللبس.
أنا شايف نفسي أفضل واحد في العالم.
هلعب كمان 10 سنين ولسه عندي طموحات كتير.
مفكرتش في الانتقال من ليفربول والقرار بيد إدارة النادي.
التقدير المادي بيحسسك انك فارق مع الفريق ودا اللي يخليك تاخد قرار الانتقال ولا لا.
بحب المغامرات ومعنديش مشكلة في الانتقال.
أقوي دوري في العالم حاليا ومش شايف ليه عيوب الدوري الإنجليزي بفارق كبير.
معنديش أزمة مع راموس ويوم إصابتي من خلاله كان صعب جدا.
في ماتشي الأخير في المنتخب كان عندي برد ومكنتش قادر أمشي.
اللي ممكن يكون بينافسني على جايزة أفضل لاعب في العالب لوفاندسكي وميسي.
مفيش أزمة في شارة المنتخب واتكلمت مع فتحي وعتابه الوحيد ان الطريقة اللي اتبلغ بيها كانت وحشة.
في اوروبا شارة القيادة حق أصيل للمدرب وليست قاعدة أن تكون لأقدم لاعب.
مطلبتش جاردات في ماتشات المنتخب لكن الاتحاد المصري هو اللي عمل كد خوفا من غضب ليفربول بسبب الاختلاط اللي ممكن يحصل.
فيه لاعيبه في مصر تقدر تتحدى وتيجي الدوري الانجليزي وكنت أتمنى طاهر محمد طاهر يكون موجود.
تريزيجيه حريف وأقرب الناس لقلبي وكان ممكن يكون حاجه مختلفه لكن التوفيق لم يحالفه.
الأهل والأسرة هم الأساس والتفاصيل الصغيرة اللي كانت في مصر زمان مهمه ومفتقدها.
اللي بيتقال ان محمد صلاح بيلعب صحابه في المنتخب ادعاءات مش صحيحة.
بكون مبسوط وأنا مع اللاعيبه في المنتخب وبيبسطني انهم حواليا وبحاول أفيدهم بأي حاجه أقدر عليها.
الشهري والنجومية خلوني أكون شخص هادي أكتر.
أداء حسام البدري مع المنتخب مش وحش وأنا محضرتش معاه تدريبات كتير بسبب إصابتي معظم الوقت.
اللاعب المصري بيخاف من المدرب الأجنبي
مشكلة اللاعب المصري إنه معندوش طوح كبير، بيوصل إنه اتعرف ومعاه عربية ولبس وبيكتفي.