أمينة الإيطالية تهجر زوجها للعيش مع أمها في إيطاليا والزوج المصري يتمسك بأولاده

كشف المواطن المصري، محمد جمال، زوج الإيطالية أمينة، والتي كانت تعيش معه وأولادهما في مصر وتصدرا مواقع التواصل الاجتماعي لفترة مؤخرا بسبب علاقتهما.

حقيقة هروب أمينة الإيطالية

وقال محمد جمال في لقاء مصور مع أحد المواقع الإخبارية المحلية: «زي ما شفتوا النهاردة على السوشيال ميديا منتشر الخبر إن في انفصال بيني وبين أمينة الإيطالية، الخبر صحيح، بس في حاجات شفتها إنها هربت من مصر والكلام ده مش حقيقي

وحكى تفاصيل الأزمة قائلا: «احنيا كنا جايين من مصر طبيعي وعشنا في إيطاليا من غير مشاكل، جينا في شهر 5 مع بعض يعني هي مهربتش من مصر أو مني».

وأضاف: «هي سابت البيت يوم 25/10 أنا رحت الشغل وهي خدت الأولاد وراحت عند والدتها، وسابت طفل من الأطفال اسمه جمال مرضيش يروح معاها فسابوه في الشارع».

وتابع: «السبب الرئيسي في الموضوع أمها، أمها بتحاول من زمنا تنهي العلاقة بيني وبين أمينة لأنها مكنش عاجبها الحال، وهي في الأصل مش هي اللي ربتها، أمها من زمان سابت 4 أطفال للحكومة واتربوا مع أسر تانية، وأمينة اتربت عند الجدة كيارا وأنا خدت أمينة من عندها».

وأوضح: «طول السنين اللي فاتت وأمها حاولت ترفع إزاي بنتها اتزوجت عربي واتعلمت عربي وعايشة في مصر، هي بقالها 16 سنة عايشة في مصر، وكل ما تيجي زيارة لإيطاليا بيحصلي مشكلة، وهي كانت بتق ضدهم ونرجع مصر تاني، إلا المرة دي اتسيطر عليها ومش عارف اتواصل مع أمينة ولا ولادي».

وقال: «العتب كله على الأم دلوقتي، ولو أمينة بتتكلم بلسانها وواعية للي بتقوله أنا موافق إنها تعيش عند أمها بالطريقة اللي هي عايزاها بس مش هسيب أولادي، لكن لو مغلوبة على أمرها ومضغوط عليها مرحب بيها في أي وقت».

وتابع محمد جمال: «كره أمها لينا والضغط اللي بتضغطه على أمينة عشان تبعد عني هي والأولاد زود تعبها النفسي، مش بس كدا هي بتبعدهم عني عشان تستغل الأطفال وتاخد مساعدات ليهم من الحكومة».