علامات بتقولك لازم تغير شغلك
"الشغل مُتعب فى كل حته" دى أول جملة بتسمعها لما بتفكر تسيب الشغل فى الوقت بتبقى خايف من القرار ليكون مجرد ضغط وبمجرد ما يخف الضغط كل شئ هيتحسن.
"سامنثا ميكلوس" مديرة Cornerstone Medical Recruitment ، كتبت على موقع LinkedIn إن فى عشر علامات تعرفك إنك محتاج شغل جديد. العشر علامات دول يتلخصوا في خمس حاجات:
- أن الشغلانة دى مش إللى كنت بتحلم بيها وإنك بتحب ما تعمل على أمل إنك تشتغل إللى إنت بتحبه وده بيخليك تصحى كل يوم زهقان وبتفكر مليون مرة قبل ما تروح وبيحولك لإنسان كئيب. فأحسنلك دورعلى إللى إنت بتحبه أحسن.
- روتين شغلك وصلك إنك هتنام شوية وتصحى تكمل عشان حاسس إن الموضوع مش فارق.. خلاص إللى بتنام فيه بتصبح فيه يبقى أحسنلك دور على مكن بيتحدى قدراتك.
- لما تروح الشغل عشان تقعد على النت و تقرا أكتر من الشغل نفسه ولما ينزلك مكافأة وتحس ولا أى إندهاش. دايما شغلك متأخر مع إنك عارف إنو مهم وشعارك بقى إيه يعنى ؟
- بتتلكك كل كام يوم عشان تاخد أجازة و دايما حاسس إنك محتاج أجازة من البنى أدمين. خلاص بيقت شايف زميلك فى الشغل زومبيز وكائنات سخيفة كده أو إبتديت تحس إنة مديرك خرشوفة أسئلة كلام كلام على مفيش.
- أدائك من كتر الملل بيقل وإبتديت تحس إنك ولا حاجة وموصلتش لأى حاجة .لأ وكمان بقيت تهمل فى مظهرك وبتكسل تظبط لبسك. عندك إحساس تانى إن أكيد فى مكان تانى أحسن و بتدور عليه يوميا.
متضغش نفسك عشان شغل مش بتحبوا أو مش شايف نفسك فيه لأن الإنسان بيعيش مرة واحدة فمتعيشهاش نكد. لو الخمس الحاجات دول عندك فلازم تبتدى تدور على إللى بتحبه وتعمله لو عندك علامتين منهم إسئل نفسك هل الشغل ده يستاهل إن أضيع عمرى بصحى كل يوم عشان أتكدر؟
