7 حاجات مش هيفهمها غير الناس إللى بتحب القهوة

القهوة بقيت مؤخرا موضة بس الناس إللى بتحب القهوة بجد، الموضوع بالنسبة لهم أكبر من موسيقى وشتا ومطر.. القهوة بالنسبة للناس دى بتبقى من المقدسات وليها سحر خاص عليهم.

فيه 7حاجات بتميز الناس إللى بتحب القهوة هنقولكم عليها:

1- أول حاجة بتنطقها لما بتصحى هى"قهوة" وأي حاجة حصلت قبل ما تشرب قهوة الصبح تقريبا بتبقى كأنها محصلتش أو بتحس إنها زى الحلم.

2- عندك أكبر تشكيلة للـ Mugs فى المطبخ و كل Mug مخصصله نوع من القهوة.

3 - مبتحبش أى حد يحضرلك القهوة وبتزعل أوى لو حد إتطوع و قالك هعملك قهوة معايا.

4 - اقتراحات الناس بتاعت لازم تبطل قهوة زيها زى الهيروغليفى مش مفهومة .

5- Mug واحد مش كفاية عشان تبتدى تفهم الناس ومع كل mug  قدراتك بتزيد.

6- الناس ديما بتقول عليك غريب عشان مش فاهمين أد إيه القهوة بتغير فى شخصيتك .

7- السكر مادة ملهاش أى معنى بالنسبة ليك عشان طعم وريحة القهوة هو الأساس.