إزاي تبني صداقة مع دكتورك في الجامعة؟

كتير بتكونوا واخدين فكرة قبل دخول الجامعة إن الدكاترة بيضايقوا الطلاب وبيستقصدوهم.. ده بيصنع حاجز بينكم.. ولأن مينفعش يكون فيه حاجز «شبابيك» هتقولكوا إزاي تنجحوا في بناء الصداقة معاهم..

الاحترام

احترامك لدكتورك ودخولك في ميعاد محاضرته وإجابتك على أسئلته هيخليه يبصلك أنك طالب محترم وملتزم وهتبقى معروف بالنسبة ليه وديه هتبقى فرصة انك تعرفه عليك.

المذاكرة

اتكلم معاه عن أسماء الكتب اللي هتحتاجها عشان تقدر تدعم نفسك بيها في المذاكرة.. ولو في أبحاث معينة تقدر تطلع عليها.. ده هيخليه ياخد انطباع عنك إنك شغوف بمعرفة كل حاجة تفيدك في علمك..

الشغل

اسأله اذا كان يعرف أماكن ممكن تشتغل فيها في الإجازة عشان الخبرة العملية بجانب الدراسة النظرية.. وطبعا دكتورك هيحاول بكل الطرق يساعدك لأنك بنيت جواه ثقة بإنك طالب متميز..

الحلم

قوله يا دكتور أنا بحلم بعد لما أتخرج أسيب بصمة في المجال اللي أنا فيه ده..  حضرتك تنصحني بإيه؟.. والسؤال ده لما تسأله الدكتور هيحس إنه بيشوف نفسه فيك وفي حماسك وهيقولك كل خبرته في الحياة وفي الدراسة.,

وبكدة انت بنيت بينك وبين دكتورك صداقة العمر :)