كلمات أغنية متوحشنيش كايروكي من الألبوم الجديد مكتوبة.. فيديو

تفاعل الجمهور مع ألبوم كايروكي الجديد فور طرحه عبر موقع الفيديوهات الشهير يوتيوب، ومن ضمن الأغاني التي علقت في ذهب الجمهور كلمات أغنية متوحشنيش كايروكي.

ينشر شبابيك كلمات أغنية كايروكي الجديدة متوحشنيش التي لاقت إعجاب العديد من الجماهير بين أغاني الألبوم، لتتصدر مواقع التواصل الاجتماعي.

​​​​​​​

كلمات متوحشنيش كايروكي

خلق الألبوم الجديد لكايروكي حالة خاصة بين جمهوره ومتابعيه، بتضمنه عدد كبير من الأغاني التي خطفت القلو ب بألوانها المختلفة والمتنوعة.

جاء مطلع أغنية متوحشنيش وهي من كلمات أمير عيد على النحو التالي:

متوحشنيش.. أنا مستني ليا كتير

أنا لسه أواني مجاش.. ماتنتظريش

أنا لسه لقدري أسير.. أنا لسه غنا متحاش

متبعديش

متوحشنيش.. أنا مش بكرة أنا لسه

أنا مركب ولا بيرسى

ومش ملموم علي روحي

ولا فاكر ولا بنسى

متوحشنيش

متوحشنيش

عشان النبض جوا القلب مايوجعنيش

عشان أقدر أعيش بكرة ومايفوتنيش

عشان يمكن عيوني تنام

بتشبه بعضها الأيام

عشان يمكن من الأحلام

الاقي حلم مابيبكيش

متوحشنيش

أنا لسه باحايل ضي لسه بعيد

ويوم لو حتى ست ساعات لكنه سعيد

مخاصمة عيني ريحة الدمع

وناقص وحدي وسط الجمع

قلق ملو البصر والسمع

كأني يتيم ف ليلة العيد

ما بيغنيش

متوحشنيش

متوحشنيش

عشان النبض جوا القلب مايوجعنيش

عشان أقدر أعيش بكرة ومايفوتنيش

عشان يمكن عيوني تنام

بتشبه بعضها الأيام

عشان يمكن من الأحلام

الاقي حلم مابيبكيش

​​​​​​​