كلمات أغنية بسرح واتوه كايروكي مكتوبة (فيديو)
لاقت كلمات أغنية بسرح واتوه كايروكي تفاعلًا هائلًا بين العديد من الجماهير، لتتصدر قائمة الأغاني الجديدة المطروحة على الساحة الفنية.
ينشر شبابيك كلمات أغنية كايروكي الجديدة بسرح واتوه، والتي تصدرت مواقع التواصل الاجتماعي المختلفة، لتصبح من أبرز الأغاني التي حصدت على مشاهدات عالية من الألبوم الجديد الذي تم طرحه منذ أيام وجيزة.
كلمات أغنية كايروكي بسرح واتوه
يقول مطلع أغنية بسرح واتوه الآتي:
بسرح واتوه في الذكريات.. وبعيش حياة ويا اللي فات
اشخاص اماكن كل شيء.. حاجة توديني لحاجات
حكايات مواقف كلها.. في الماضي دي انا عشتها
كل لما اغمض عيني اروح.. لسنين سابتني وسيبتها
لية بحبها مهي ماضي عدى وانتهى.. وإن سيبتها تمشي بترجع وحدها
وساعات انا بشتاقلها فاندهلها.. ليه بحن ليها واعيش عليها
مفيش اجابة عرفتها
انا عمري كام علشان تكونلي..الذكرى أسلوب حياة
دماغي فيها مليون شريط..ماضي قديم من دا ودا
ده انا كنت عيل من يومين..ودخلت أنام
صحيت لقيت العمر عدى..مخدنيش معاه
بسرح واتوه في الذكريات..وبعيش حياة ويا اللي فات
اشخاص اماكن كل شيء..حاجة توديني لحاجات
وفي السنين انا مش كبير.. وشعري اسود زي ليل
والليل مبيعديش طويل.. مفهوش هروب من الذكريات
ليه مليش ف بكرة وليه بتوه.. ليه مليش ف حلم بترسموه
بسرح ف الاقي الذكرى بس.. وفيها بلقى انا يومي أمس
غير يومكوا ده اللي بتعيشوه.. الذكرى واخداني لمكان
ايام زمان وقت الفرح وقت الهنا.. انا وسط بكرة مليش وجود
ف الذكرى بس بكون انا.. برجع ف غمضه عين سنه
وسنه ف سنه انا ببقى انا..عيل بيهوى الدندنة
احلامه سهلة وممكنة.. وعشان كدة انا من هناك
انا بنتمي للذكريات..ومليش مكان بينكم هنا
بسرح واتوه في الذكريات.. وبعيش حياة ويا اللي فات
اشخاص اماكن كل شيء.. حاجة توديني لحاجات
