ملخص حلقة محمد حماقي مع إسعاد يونس.. إعلان طلاقه لأول مرة (فيديو)
لاقت حلقة المغني محمد حماقي مع الفنانة إسعاد يونس في برنامج صاحبة السعادة في سهرة ليلة رأس السنة تفاعلا كبيرا من الجمهور، خاصة أن الأول قليل الظهور على شاشات التلفزيون.
وقدم حماقي خلال الحلقة نخبة من أغانيه التي غناها خلال مشواره الفني، كما تحدث عن حياته الشخصية والعاطفية معلنا عن طلاقه لأول مرة.
حلقة محمد حماقي مع إسعاد يونس
وحكى محمد حماقي تفاصيل انفصاله عن زوجته، قائلا: «انفصلت عن زوجتي سنتين ومحدش عرف ومقلتش لحد، وكنت حريص على ده علشان ميحصلش أي تجاوز، لأن في ناس ممكن تتكلم عليها، ففي السنتين دول كان قرار بالعقل ورجع بالقلب».
وعن أسباب الطلاق قال حماقي: «انفصلنا لإننا كان بينا حالة من الكلكعة واللغبطة مش عايز أقول عدم تفاهم، وحسينا إن الأسهل إن كل واحد يرتاح من التاني، واكتشفنا إن مفيش حد هيرتاح من التاني، وفات عليا سنتين مش عارف أشوف حد وفي مكاني، وكل يوم بالليل لما أجي أنام تيجي في دماغي فكرة ما هي ممكن تتجوز فمعرفش أنام».
وتابع: «أوقات الانفصال بيكون مفيد لإن كتر قعدتنا مع بعض مبقتش أشوف غير الحاجات الوحشة، ولما يحصل ونبعد العنصرين عن بعض كل واحد بيشوف هو عمل إيه، وهي حست نفس الإحساس، فاكتشفنا إن اللي عملناه ملوش معنى ورجعنا، وأنا بحبها من كل النواحي».
