إيه اللي بيحصل للمخ لما تحط رجل على رجل؟

دايما بنسمع مقولة «إننا بنستخدم 10% بس من مقدرة مخنا»، وإننا لو استخدمنا طاقة مخنا كاملة هنبقي بشر خارقين للطبيعة ومفيش زينا.

لكن في الواقع، الحقائق دي بترجع لدراسات قديمة جدا، لكن دلوقتي بعد ما عملوا دراسات كتير علي وظايف المخ، اكتشفوا أن الكلام ده مش صحيح. إحنا بنستخدم أكتر من 10% من قدرات المخ، بس هل دا معناه إننا بنستخدم 100% من قدرات مخنا ؟ مش ضروري، لأن البشر كائنات بتحب الراحة و بتتجنب المجهود، بمعني أننا بنفضل نتبع الطرق المعروفة للتصرف، بدل ما نفكر في طرق جديدة.

المخ والجسم

ممكن تستخدم 100% من مخك، بس دا بيتطلب أنك تنشط القنوات العصبية اللي بتستخدم بنسبة قليلة جدا.

معروف أن مخنا مقسوم نصفين نصف أيمن ونصف أيسر، بس الي منعرفهوش أن الجزء الأيمن من المخ بيتحكم في الجزء الأيسر من الجسم ، والجزء الأيمن من المخ بيتحكم في الجزء الأيمن من الجسم. وفي مركز الجسم بيتواجد الخط الفاصل أو الخط الوسط للجهاز العصبي المركزي، والأبحاث بتقول أنك لما تجمع النقيضين حولين الخط الفاصل دا أو مثلا تحط رجل علي رجل أو تربع أيديك (فتبقي الايد اليمين رايحة نايحة الشمال،و الأيد الشمال رايحة ناحية اليمين) دا هيخلي نصفي المخ يحاولو ينظمو حركتهم مع بعض، كدا الجزئين هيشتغلو مع بعض ودا مش الطبيعي، الطبيعي أن الإنسان بيستخدم جزء واحد في أي عملية بيؤديها بداية من سن 8 أو 9 سنين.

فايدة الرجل على الرجل

الجزء الأيمن من المخ مرتبط بالانفعالات والمشاعر، والجزء الأيسر مرتبط بالمنطق والتفاصيل، ولما هتنشط الاتنين مع بعض دا هيديك مستوي أعلي من التركيز،و التحكم في الجانبين العملي والعاطفي.

معني كدا أنك لما تحط رجل علي رجل دا بيخليك تنشط مخك وتستخدم جزئين المخ مع بعض.

في أنشطة تانية كتير ممكن تساعدك انك تنشط جزئين المخ مع بعض زي اليوجا، تمارين المرونة الرياضية، أو أي تمارين تتطلب أنك تستخدم رجليك وأيديك حوالين خط وسط الجهاز العصبي المركزي.

كل يوم خد من وقتك خمس دقايق تتمرن فيهم نوعية التمارين دي، وهتلاحظ تحسن في أدائك العقلي بشكل كبير.