الرئيس السيسي: محتاجين 70 تريليون جنيه للمشروعات وصرفنا 7 (فيديو)
استعرض رئيس الجمهورية، عبدالفتاح السيسي، كمّ الأموال التي تحتاجها الدولة لتنفيذ المشروعات القومية وفي مقدمتها حياة كريمة في مقابل ما تم صرفه حتى الآن.
وقال الرئيس السيسي: «عايزين 70 تريليون، والأرقام اللي قالها دكتور مصطفى – رئيس الوزراء- 7 تريليون، اللي عملناه في سوهاج 100 وحاجة مليار، طيب في كام محافظة واللي ناقص قد ايه واللي اتعمل تشغيله بكام».
وأضاف الرئيس: «لما ببنفذ مكتب بريد هتشغل الناس بكام؟، المدرسة هتشتغل وتتصين بكام؟ المستشفى هتشتغل بكام».
وعن متطلباب الدولة لاستكمال المشروعات قال الرئيس: « احنا كنا بنحاول الوصول للأرقام الطبيعية للمعدلات العلمية، بنشوف كل كام طالب محتاجين فصل احنا في سبق عندنا نقص في عدد الفصول، والموجود أقل من المطلوب، ولازم الأول تسد الفجوة اللي موجود مع اللي مفروض يكون موجود ثم كل سنة تعمل الحجم المطلوب للقادم».
وتابع: «يعني لما يبقى في إنجاب 2 مليون أو 2 ونص حتى لو مليون عايزين تزود فصول لما حسبنا على الوضع الحالي 60 ألف فصل في السنة طيب الفصل بكام؟ فعلى الأقل عايز 60 مليار جنيه ثم أحط المدرس والطقم الإداري والإشرافي بنحسبها بكام ومنين».
وقال السيسي: «سبب المشكلة لا فساد حكومة ولا نظام إداري ولا تهميش، أنا أعرف يعني إيه قرش ويعني إيه دولة، ولازم نكون فاهمين إننا لو مستمرين بالطريقة دي كل الجهد اللي هيتعمل مش كفاية».
