رئيس التحرير أحمد متولي
 رسالة الرئيس السيسي للمواطنين عن غلاء الأسعار (فيديو)

رسالة الرئيس السيسي للمواطنين عن غلاء الأسعار (فيديو)

قال رئيس الجمهورية، عبدالفتاح السيسي، إن الدولة تعمل على سد الفجوات الناجمة عن النمو السكاني خلال العقود الماضية، والذي لم يقابله نمو على مستوى إمكانيات الدولة.

وأضاف الرئيس السيسي، خلال افتتاح المرحلة الثانية من مدينة سايلو فود للمنتجات الغذائية بمدينة السادات بالمنوفية: «لما يكون عندك فجوة 20 أو 30 مليار دولار في اللي محتاجه، عايز صناعات مش أقل من 100 مليار دولار، وعايزين مدة زمنية مش أقل من 5 إلى 7 سنين».

تصريحات الرئيس السيسي عن ارتفاع الأسعار

وتابع الرئيس: «السلع موجودة ومفيش فيها أي حاجة، والأزمة اللي مرت علينا خلال الـ3 أو 4 شهور اللي فاتو إن شاء الله متجيش تاني».

وطالب الرئيس عبد الفتاح السيسي المواطنين بعدم شراء السلع من التجار والمحال التى تقوم برفع الأسعار، قائلا: «لو المحل ده غالي ما تشتريش منه».

وأشار أن الدولة يصعب عليها السيطرة على جميع الأسواق، ولكن المواطن من الممكن أن يعطي درسا للتجار الجشعين: «بلاش تشتري منه و ده الدرس ما دام بتغالي في أسعارك أكتر من غيرك بلاش منها خالص».

وعبّر الرئيس عن عدم رضاه عن نشر وزارة الداخلية بيانات السلع المضبوطة يوميا، ووجه حديثه لوزير الداخلية ممازحا إياه: «مش مستريح كل يوم وزارة الداخلية تطلع مسكنا ومسكنا ومسكنا.. انت بتطلعنا شكلنا وحش قوي.. ما تمسكهم وخلاص».

 

عمر مصطفى

عمر مصطفى

صحفي مصري يقيم في محافظة الجيزة ومتخصص في ملف التعليم وكتابة الأخبار العاجلة منذ عام 2011