تصريحات السيسي اليوم.. عملولي فيلم ببيع قناة السويس بتريليون دولار
تفقد الرئيس عبد الفتاح السيسي، رئيس الجمهورية، يوم الأحد 26 فبراير 2023، اصطفاف المعدات المشاركة في تنمية وإعمار سيناء، وتطرقت تصريحات السيسي اليوم العديد من الشئون الداخلية وفي مقدمتها الحرب على الإرهاب وحرب الشائعات.
وقال الرئيس السيسي في سياق تصريحاته اليوم :«بعد التضحية التي قدمها أهالي سيناء سنقول لهم ..متشكرين بالكلام.. لا. اللي فات كوم واللي جاي كوم تانى..اوعوا تفتكروا أن بعد التضحية اللي قدمها أهالي سيناء إحنا هنقول لهم متشكرين بالكلام ؟.. لا.. بالاهتمام والعمل واللي هيقوم بالكلام ده أهالي وأبناء سيناء..أوعوا تفتكروا أن إحنا هنرضى بالموجود قبل كده مش هيحصل».
كما جاء في تصريحات السيسي اليوم كذلك :«أكتر ناس تعرف المعاناة مش انتم فقط كمقاولين بس نتيجة الإرهاب..ولكن إجراءات الدولة للتأمين.. حركة من الغرب للشرق والعكس..كان فيها إعاقة كبيرة حتى الأسمدة كنا بندخلها بحساب نتيجة انها ممكن تستخدم في حاجة تانية».
وأضاف الرئيس السيسي قائلاً :«حبيت أقولكم اللي انتوا عملتوه السنين اللي فاتت كان ممكن ميتعملش ويتأجل..الرقم اللي اتكلف في سيناء من 40 إلى 50 مليار دولار..لو بيتعمل دلوقتي هيتكلف ضعف الرقم ده..والوقت اللي محتاجينه للتنفيذ هيتضاعف».
كما تحدث قائلاً أيضاً :«خطتنا في المياه إن كل المدن الساحلية هتبقى ميه تحلية..وده برنامج كبير مبينتهيش بإنشاء المحطة..عاوزين الكلام ده بيتعمل..يشغل ناس في مصر ويوفر عملة حرة بنشترى بيها الخامات وقطع الغيار».
وأكد على أن محاولة عرقلة المصريين مستمرة، قائلاً : «هل حرب الإرهاب خلصت؟.. ما لغاية دلوقتي حجم من الشائعات والاكاذيب والافتراءات غير طبيعي.. اخرهم قناة السويس.. كلام يعني أن المصريين منتبهين لده ومش هيصدقوا».
وأضاف :«اتقال اننا بنفكر نبيع قناة السويس وفيه عرض..عملولي وجمعوا كلامي ده وعملوا فيلم وإن الكلام ده قولتوا.. وقالك بتريليون دولار.. الموضوع عاوز تريليون دولار.. هنبيع القناة.. بغض النظر عن ده والأرقام».
