رئيس التحرير أحمد متولي
 أثنى على السجن وهاجم الخطيب.. أول بيان لمرتضى منصور بعد الإفراج (فيديو)

أثنى على السجن وهاجم الخطيب.. أول بيان لمرتضى منصور بعد الإفراج (فيديو)

أذاع رئيس نادي الزمالك، مرتضى منصور، بيانا مصوّرا، هو الأول بعد خروجه من السجن، حيث تم حبسه لمدة شهر بتهمة سب وقذف رئيس الأهلي، محمود الخطيب.

وظهر في الفيديو أعضاء مجلس إدارة النادي مجتمعين في منزل مرتضى منصور، بينما يُسمع في الخلفية صوت القرآن الكريم يُتلى.

تصريحات مرتضى منصور اليوم

وجه مرتضى منصور الشكر في بداية حديثه وزير الداخلية، قائلا: «رأيت في وادي النطرون 6 سجون لم أرهم في أمريكا، بجانب مستشفى على أعلى مستوى، مجهزة بأدوات حديثة».

وشدد منصور على أنه لم يتلقى أي معاملة خاصة، وقال إنه تواجد في السجن مع أفراد منتمين لجماعة الإخوان المسلمين وداعش.

وطالب رئيس الزمالك رئيس الجمهورية عبدالفتاح السيسي بافتتاح مجمع لسجون في وادي النطرون: «أحمد موسى بيقول لو افتتح السجون هيقولوا بيتوسع فيها.. السجون القديمة اتكسرت كان لازم يتعمل سجون جديدة، والسجون دي فيها حاجات مش في ألمانيا».

وقال منصور: «والله ما في شعرة في راسي اتهزت. أنا مرتاح لكن اللي لفقلي مش بينام. اوعوا تفتكروا ملف القضية هيتقفل. أنا مش بتكلم عن أحكام القضاء، لكن محكمة النقض نفسها طلعت حكم بالبراءة في نفس القضية، اشمعنا لما طلع تأييد الشهر حبسوني».

وتابع: «بيقولوا دلوقتي على السجون مؤسسات تأهيل، طيب أنا يا سيادة الوزير متصلحتش، وقال الوزير احنا بنعلمهم علشان يندمجوا في المجتمع، أنا أكبر محامي في مصر مين اللي هيعملني ويدمجني في المجتمع».

وواصل: «معركتي مع الخطيب بدأت. أنا اتساومت بين حريتي وتقسيط غرامة كهربا ونسيان قضية نادي القرن والاعتذار لمحمود الخطيب».

 

عمر مصطفى

عمر مصطفى

صحفي مصري يقيم في محافظة الجيزة ومتخصص في ملف التعليم وكتابة الأخبار العاجلة منذ عام 2011