كلمات أغنية طوق نجاة لمحمد رمضان (فيديو)

طرح الفنان محمد رمضان أغنية جديدة عبر موقع الفيديوهات «يوتيوب» تحمل اسم «طوق نجاة»، وحققت عدد كبير من المشاهدات خلال وقت قصير.

وعلق محمد رمضان على الأغنية قائلا «أغنية طوق نجاة فيها رسالتي المختصرة لأي شاب وقع في دايرة المخدرات لكن بعزيمته و إرادته يقدر يبطل ويخرج من تابوت المخدرات قبل ما يخسر اللي خسره هارلي في الفيلم».

كلمات أغنية طوق نجاة

جاءت كلمات أغنية طوق نجاة للفنان محمد رمضان على النحو التالي:

شاب عادي في بدايته كانت حياته بألف لون

كان بيجري ويا حلمه قال أكون أو لا أكون

كان فاتح للدنيا صدره

طيش طموحه زاد جنون

جه ذكائه في لحظة خانه فجأة لعبت بيه الظنون

ايوة أنا الشاب اللي لعبت الظنون الكورة بيه

ايوة أنا اللي رسمت حلمي واللي ضيعه بإيديه

ايوة أنا اللي ناديتله سكة زغللت قوام عينيه

شافها جامدة في بدايتها بس كان اخرها إيه

چوب صب كاس في حب عاش يا بوب خد كمان

 شد سطر روح يا قطر بان أسد لا تبان جبان

أي حاجة تيجي راشق أيوة راكب على السلام

 كانت أموري راسية ماشية ايدي شادة على اللجام

فجأة خيل خيالي خاني قام صادمني وبغباء

المسيطر نخ وطى والمزاج ركب وساق

خلى كفة كيفي غالبة خد غلاوة أمي ليه

جابني غمى عيني ساقني خدني عبد بين ايديه

ضرب ضرب ضرب ضرب وهو ده اللي في القاموس

عيشت عمري جوة حرب كل همي أجيب فلوس

في اللي حلت منه فوت في اللي مات مفيش دروس

جوة دايرة خد وسقط عيشت بمبدأ يلا دوس

صاحبي الفلوس حتى اللي مني لو جنيه بخطف قوام

في اللي كارهك واللي حبك حب ايه بنهي الكلام

مات ضميري قلبي مات والحلال دفنه الحرام

الشيطان من فعلي سقف قال عليا واد تمام

كله فك مني سابني شافني عقرب سمه موت

جيبي لو في مرة خاني كيفي نفسه يسبني أموت

يأسي نشن فيا صابني غول وساقني بالريموت

سحلة طول اليوم واخره في أوضة أقرب من التابوت

نفسي ألاقي تاني نفسي، نفسي أحس بالحياة

نفسي جوة بحر يأسي يتحدفلي طوق نجاة

ليه بشوف في عينيكوا إني حد مفقود فيه الأمل

ده اللي موت 100 توبته كانت بنية واتقبل

يا حياة احدفيلي طوق نجاة يا حياة احدفيلي طوق نجاة

يا حياة احدفيلي طوق نجاة يا حياة احدفيلي طوق نجاة