خناقة ياسمين عز ورضوى الشربيني.. «حرب على السوشيال ميديا»
وقعت مشادات بين ياسمين عز ورضوى الشربيني عبر منصات السوشيال ميديا، حيث بدأت القصة من قبل الأخيرة بعدما سخرت من تصريحات سابقة لزميلتها، وذلك بعدما تم نسبها إليها.
ووصفت الإعلامية رضوى الشربيني، تصريحات زميلتها بـ «كلام العبيد»، الأمر الذي أجبر ياسمين عز على ردها الحاد الذي بات حديث مواقع التواصل الاجتماعي المختلفة.
صدام رضوى الشربيني مع ياسمين عز
بدأ الصدام بعدما نسب تصريح للإعلامية رضوى الشربيني جاء كالآتي: «البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها!»، لتنفي الشربيني قولها تلك التصريحات قائلة على حسابها على موقع تويتر: «وأنا أقول الكلام ده ليه…أنا ست عندها كرامة.. وكلام العبيد ده مش بتاعى».
ردت الإعلامية ياسمين عز على تصريحها، عبر حسابها على موقع التواصل الاجتماعي فيس بوك، قائلة: «ويحك يا دعسوقة، كرامة إيه يا أم كرامة بلاستيك؟.. أنت شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، وبلاش نشغل أسطوانة المرأة الحديدية، علشان المرأة نفسها لو عرفت أنتِ إيه هيجيلها صدمة دماغية حضارية».
وتابعت عز: «بقولك يا خرابة البيوت العمرانة، جربي تحطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وأهو بالمرة نحكي الحكايات، ونسلي الناس في الإجازات».
