مفاجأة.. ماذا قال نجيب ساويرس عند سؤاله عن الترشح لانتخابات الأهلي؟ (فيديو)
تحدث رجل الأعمال نجيب ساويرس لأول مرة عن موقفه من الترشح لانتخابات رئاسة النادي الأهلي، خاصة وأنه قريب من المجال الرياضي بامتلاكه نادي الجونة الرياضي.
وقال ساويرس، في مداخلة هاتفية مع برنامج «حضرة المواطن»، على قناة «الحدث اليوم»: «لن أترشح لرئاسة النادي الأهلي لإني مش فاضي وبحاول أقلل ساعات العلم.. دي شغلانة عايزة تفرغ كامل وأنا مش فاضي».
وأضاف ساويرس: «في تدخل للدولة في الأندية وأنا مينفعش معايا النظام ده واخد تعليمات وأنفذ وخلاص».
وتابع رجل الأعمال: «منظومة الأندية في مصر كلها غلط لإنها مش متخصخصة، لازم النادي يتم طرحه في البورصة والجماهير تشتري أسهم في النادي ويبقى في جمعية عمومية تنتخب مجلس إدارة يبقى مسؤول وتحاسبه».
وعن مهرجان الجونة السينمائي الدولي، قال ساويرس: «الانقطاع كان لإن في مضايقات وهجوم من الإعلام، فأن مجيش أعمل خير وانت تقطع فيا وتشتمني.. اللي بيكتبوا مسكوا في الفساتين وسابوا الشخصيات اللي جات والسياحة كسبت قد إيه والأفلام والأفكار».
وأكمل: «أحيانا بنبقى محتاجين مساعدات من الدولة تأشيرات لناس من سوريا وفلسطين مبتطلعش وهم ناس عالميين في مجالهم، والقنوات مفيش تغطية لإن معظمها مش خاصة».
وختم: «رجعنا المهرجان لإننا حسينا إن الناس محتاجة فرح وهو ده السبب الأساسي في رجوعه».
