استقالة مرتضى منصور من رئاسة نادي الزمالك (فيديو)
أعلن الرئيس السابق لمجلس إدارة نادي الزمالك، المعزول بحكم قضائي، ورئيس لجنة العضويات الحالي، مرتضى منصور، استقالته من أي منصب بالنادي.
تفاصيل استقالة مرتضى منصور
نشر منصور مقطع فيديو من أمام الاتحاد المصري لكرة القدم، عبر حساباه على وسائل التواصل الاجتماعي، قال فيه: «كنت في اجتماع مع رئيس اتحاد الكرة جمال علام، والمدير التنفيذي للاتحاد وليد العطار، للنظر في مديونية النادي، والتي تخطت 63 مليون جنيه».
وأضاف: «علشان نقيد القائمة الاولى للموسم الجديد طلب منا تسديد 40 مليون جنيه، فالمحصلة ولت إلى 104 مليون جنيه، والقيد موقوف بالأساس بسبب الغرامات المستحقة لفريق سبورتنج لشبونة واللاعب أشيمبونج».
وتابع: «اتصرفت في حوالي 30 مليون من أموالي الشخصية علشان تقييد الصفقات العائدة من الإعارة، وفي حوالي 20 مليون كمان علشان نبعت للمدير الفني مستحقاته».
وواصل مرتضى: «جماهير الزمالك من حقها تفرح، وعلشان تفرح لازم الفريق يجيب بطولات، وعلشان يكون في بطولات لازم يكون في فلوس، ميهمهومش ممدوح عباس ولا مرتضى».
ووجه مرتضى منصور رسالة لممدوح عباس قال فيها: «الخناقة اللي بيني وبينك انتهت، أنا مشيت وخارج المشهد بتاع نادي الزمالك، وبقيت مشجع درجة تالتة للنادي هتلاقيني في المدرجات، وأمير مشي من شهرين ورافض يرجع، ارفع الحجز عن حسابات النادي».
وقال منصور: «أنا سايب النادي فيه حوالي 21 مليون جنيه، علشان نبعت جزء من مستحقات المدير الفني، وجزء من غرامة أشيمبونج».
وعاتب منصور قائد فريق الكرة بالنادي محمود عبدالرازق: «يا شيكابالا مكنش ينفع بعد ما كسبنا ماتش الاتحاد المنستيري تقول عندنا مشاكل وتسكت، كان لازم تقول عندنا مشاكل بسبب الحجز على الأرصدة من ممدوح عباس».
