كلمة الرئيس السيسي منذ قليل في مؤتمر حكاية وطن.. «لسه بدري أوي»

 شارك الرئيس عبد الفتاح السيسي، رئيس الجمهورية، في مؤتمر حكاية وطن المنعقد في العاصمة الإدارية، وتحدث الرئيس خلال مشاركته على عدة نقاطة تتعلق بالشأن المحلي، ونوضح أبرز ما جاء في كلمة الرئيس السيسي منذ قليل.

خطاب الرئيس السيسي اليوم

واشتمل خطاب الرئيس السيسي اليوم على عدد من النقاط التي تتناول الشأن الداخلي المصري، والتي نختصرها في التالي:

• الإعلام لم يغطي ما تم إنجازه، كما يجب أن يكون.

• أنتم حلمكم يا مصريين أكبر من كده.. وإوعوا يكون حلمك لقمة.

• أنت بس مش بتحارب إرهاب أنت عندك أبواق كذب وافتراء وشائعات شغالة تقدح في كل مسار تعمله.

• أنت كمان مش محل تقدير من ناسك اللي أنت بتعمل لأجل ربنا وخاطرهم.

• وأنت بتعمل كدة بيتم الإساءة لك ولمسؤوليك ولأسرهم، ولكن لا بأس لأن مفيش حاجة بتروح عند ربنا كل إساءة ليها عقاب، واللي هيحاسب ربنا اللي لا يغفل ولا ينام.

• نؤمن بالله وإن في يوم آخر وإن ربنا هيحاسب، وكل تفاصيل المكر اللي اتعملت على مصر خلال 10 سنوات الماضية اللي كانت امتداد لحالة من عدم الثقة للإنسان المصري، وتبقى جزء من الشخصية المصرية أن تكون غير واثقة في نفسها أو بلدها.

• لسة بدري قوي ولو كان التقدم تمنه الجوع والحرمان إوعوا يا مصريين تقولوا ناكل أحسن.

• لو تمن التقدم والازدهار إن الناس متاكلش ومتشربش يبقى الناس متاكلش ولا تشرب.

• مشروع قناة السويس استهدف تجميع المصريين على قلب رجل واحد، وكان الهدف منها استعادة الثقة في الناس.

• كلمة واحدة عاوز أقولها للناس ده اللي إحنا عملناه وعندكم فرصة للتغيير في الانتخابات الجاية الأمر كله لله.

• عملنا على ملف التنمية بالتوازي مع مكافحة الإرهاب والشائعات.

• مشروع هيئة قناة السويس كان يتعمل في 4 لـ 5 سنة ويا كامل يا وزير ربنا يكرمك المشروع مكنش يتعمل أبدًا في سنة.

• فتح باب المساهمة في إنشاء هيئة قناة  السويس كان بـ 12% حتى نقوم بتحريك المواطنين لوضع المبالغ المالية الخاصة بهم

• لم ننظر للعائد المادي لقناة السويس إطلاقًا بقدر حرصنا على العائد المعنوي.

• مشروع قناة السويس الجديدة استهدف تجميع المصريين على قلب رجل واحد.

• مشكلة الدولة خلال السنوات الماضية كانت هي زرع التشكيك داخل المواطن تجاه الحكومة.

• وقت التنمية كانت هناك أبواق تطلق شائعات وتقدح في كل إجراء أو مسار يتم إنجازه.

• كنا بنقف على المسرح ده نستقبل أسر الشهداء ودموعنا بتنزل على ولادنا اللي ضحوا عشان بلدنا تعيش.

• أنا بقول ديمًا للأسر دي إنه لا يمكن أبدًا نكون جاحدين مش بإننا ناخد بالنا منهم لا بإننا ناخد بالنا باللي ضحوا.

• وقال الرئيس السيسي: اسمعوا كلامي لو سمحتم إن المرء ليصدق ويتحرى الصدق حتى يكتب عند الله صديقًا وإن المرء ليكذب ويتحرى الكذب حتى يكتب عند الله كذابا.

• أهل الشر بيتحروا الكذب وهما عاوزين يكتبوا كادبين مخربين مدمرين وكل يوم بيعدي على الشعب ويتنكد عليه حجم الإثم اللي بيتحمله الأشرار فوق خيالكم والله.

• الأمة لا تبنى إلا على الإصلاح وليس الخراب أو الإساءة أو الهدم أو الظلم.

• لما أنا أقول على عمل واحد مسؤول إنه فاسد أو غير مسؤول فأنا كدة بظلم جهده وعمله وبحط على عمله ومجهوده التراب.

• علشان كدة قولت في بداية الكلام عملنا حكاية وطن ومعانا ناس سياسيين هتقول يا راجل هو انتم عندكم فرصة في الانتخابات اللي جاية؟ شوفوا بقى بيقول الله تعالى بسم الله الرحمن الرحيم: « قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ».

• الدولة المصرية واجهت العديد من التحديات منذ عام 2011 حتى الآن.

• لازم تعرفوا يعني إيه دولة وكانت بتواجه تحديدات كبيرة، التحديات دي كانت كفيلة إنها تنهي دول زي ما أنهت دول لغاية دلوقتي موقفتش على حالها.

• أنا بكرر الكلام ده كتير، والناس بتقولي بتكرر الكلام كتير ليه، بكرره للتذكرة، عشان قدام ربنا أقوله قولت وبدل المرة 100 مرة، البلاد مبتعيش وتكبر وتنمو كده، تكبر بأمل وإخلاص وأمانة وتضحية، مش بالكلام.

• إننا نقاتل من أجل البلد لكن النصيب على ربنا ولازم اليقين بالله في اللي بنقوله، معقبًا: الناس استكبروا على نفسهم طريق وكبري وقالوا كتير، ده لسه بدري قوي من العمل والجهد والمثابرة.

• أنتم عاوزين يكون ليكم مكان على الخريطة في بلد 95% منها صحراء.