السيسي يخاطب المصريين: لديكم فرصة للتغيير في الانتخابات المقبلة (فيديو)

قال الرئيس عبد الفتاح السيسي، إن الشعب المصري لديه فرصة للتغيير في الانتخابات الرئاسية المقبلة.

وأضاف السيسي، خلال افتتاح مؤتمر «حكاية وطن بين الرؤية والإنجاز»، والمقام في العاصمة الإدارية الجديدة: «كلمة واحدة عاوز أقولها للناس، الانتخابات اللي جاية عندكم فرصة للتغيير، والأمر كله لله، اللي ليه حاجة هياخدها».

وتابع: «جزء كبير من العمل اللي قمنا به في هذه البلد، كان هدفها استعادة الثقة للمصريين وهو الأمر الذي يحاول المخربون الآن التشكيك فيه».

واستطرد السيسي: «مشروع قناة السويس الجديدة استهدف تجميع المصريين على قلب رجل واحد».

وأكمل السيسي حديثه قائلًا: «إحنا بس مكناش بنحارب الإرهاب، إحنا كان عندنا أبواق كذب وإفتراء، وشائعات تقدح في كل إجراء ومسار تعمله.. أنت مش محل تقدير من ناسك اللي أنت بتعمل عشان خاطرهم، دة كمان وأنت بتعمل كده يتم الإساءة لك والإساءة لمسؤوليك، ولكن لا بأس، مفيش حاجة بتروح عند ربنا، كل كلمة كذب لها أجر وكل إساءة لها أجر».

وواصل: «كل تفاصيل الإفك والمكر على مصر خلال على الأقل العشر سنين اللى فاتوا، وكانت امتداد لبناء حالة من عدم الثقة للإنسان المصري، لتكون جزء من الشخصية المصرية، متشككة وغير واثقة في بلدها"

الجدير بالذكر أن الرئيس عبد الفتاح السيسي، لم يعلن حتى الآن رسميًا، خوضه للانتخابات الرئاسية المقبلة في ديسمبر 2023.