خطاب السيسي في مؤتمر حكاية وطن اليوم.. «عاوزين تبقوا بلد ازاي؟»

تحدث الرئيس عبد الفتاح السيسي، رئيس الجمهورية، اليوم خلال مشاركته في مؤتمر حكاية وطن بين الرؤية والإنجاز، ونقدم ملخص خطاب السيسي لأهم ما جاء في كلمة الرئيس اليوم.

كلمة الرئيس اليوم

وتناول الرئيس عبد الفتاح السيسي في كلمته اليوم العديد من النقاط التي تتعلق بالشأن الداخل، والتي تتمثل في التالي:

«هناك نحو تريليون جنيه تم صرفها على قطاع السكة الحديد، هتقولي متعملوش، هقولك تمام، طب الموانئ قالوا متعملوهاش، طب المناطق اللوجيستية قالوا متعملوهاش، عاوزين تبقوا بلد ازاي؟ عاوزين تاخدوا مكانكم على الخريطة إزاي؟»
«بقول الكلام ده عشان الناس تعرف الدولة ببتعمل ازاي، عديت على دول إفريقية كتير وشوفتها ماشية إزاي، بسأل بتقدموا دعم ايه، طلع مافيش ولا بترول ولا كهرباء، ولا أكل، وفي الزراعة ممكن أسمدة».
«لما الفريق كامل الوزير بيتكلم عن ميناء الإسكندرية، هل تتصوروا إن درجة الإهمال في الميناء وصلت أن الناس تبني داخله مدرسة وعمارة، والإسكان والعشوائيات تصل إلى الظهير الخلفي للميناء».
«لما نيجي نخلي الناس من الميناء، دفعنا ثمن 2000 شقة، عشان يكون عندنا ظهير خلفي للميناء».
ووجه الرئيس السيسي رسالة للفريق كامل الوزير، قائلاً: «أنا معرفش حاجة اسمها 2030 احنا بنتكلم 2025 تكون كل الموانئ جاهزة والسكك الحديدية والطرق».
«الناس بتوعنا بيهاجموا قطر بإنهم ضيعوا الـ300 مليار دولار.. أنا قولتلهم بتقولوا كده ليه ده الرقم اللى يتصرف على دولة علشان تجهز نفسها مش لكأس العالم فقط، ولكن علشان تبقى دولة تتقدم وتستفيد من إمكانياتها لبناء قدرات لدولة في قطاعات صرف صحى وكهرباء وموانئ وغيرها».
«بدل ما تهاجموا.. افهموا ووقتها ما كانتش العلاقات جيدة .. الفهم والوعى والصدق هو الأهم .. طيب إحنا صرفنا 10 تريليونات جنيه في مصر خلال السنوات الماضية وده علشان شركاتنا كانت مصرية ولو شركات أجنبية كان ممكن الرقم ده يبقى زيادة 3 مرات بحوالي 30 تريليون جنيه».
«إنفاق 85 مليار جنيه على ملف القضاء على المناطق غير الآمنة، وإتاحة وحدات سكنية مفروشة مجانًا للمواطنين، يؤكد حرص الدولة على مواطنيها ومراعاة ظروفهم».
«الهدف من فرش الوحدات إننا نعبر لأهلنا اللي ظروفهم صعبة إننا مش هنسيبهم».
«كنت بكلم مجلس القضاء الأعلى وبقول ممكن أهد مصر بـ2 مليار جنيه، استغربوا أوي..إدي باكيته و20 جنيها وشريط ترامادول لـ100 ألف إنسان اللي ظروفه صعبة..ممكن يهد بلد فيها 105 ملايين بمليار جنيه، يعني 30 مليون دولار، في ناس بتصرفهم في حفلة».
«في ناس بتقول: البلد اللي مش لاقية تاكل تفرش لهم الشقة كمان؟ طبعا.. لو بنفهم كلنا يعني إيه أمن قومي مش هتستكتروا اللي بنعمله ده، عشان ميبقاش عندك ثغرة يتم استخدامها في نظم الحرب الحديثة في هدم الدول».
«الدولة لن تتعرض لهجوم مباشر من الخارج، لأن تبعاته مكلفة جدا على مستوى النظام العالمي الموجود».
«لولا أحداث 2011 لما كان لسد النهضة أن يكون، مضيفًا:"سد النهضة اتبنى بعد أحداث 2011 ولولا هذه الأحداث ما كانش اتبنى».
«درجة الإهمال بميناء الإسكندرية وصلت إن الناس تعمل جواه مدرسة وعمارة والإسكان والعشوائيات تصل للظهير الخلفي للميناء».