السيسي: البلد ممكن تتهد بـ2 مليار جنيه
تحدث رئيس الجمهورية عبد الفتاح السيسي، اليوم 1 أكتوبر 2023، خلال ضمن فعاليات مؤتمر حكاية وطن بين الرؤية والإنجاز، عن سهولة هدم الدول.
وقال السيسي، خلال جلسة «المشروعات القومية والبنية التحتية»، ضمن فعاليات مؤتمر «حكاية وطن بين الرؤية والإنجاز»:«كنت بتكلم مع السادة مجلس القضاء الأعلي، وقلت لهم، تخيلوا أهد مصر بـ 2 مليار جنيه بس! .. وهم استغربوا جدًا».
وأضاف السيسي قائلًا: «قلت للسادة مجلس القضاء الأعلى، أدي الناس باكتة و20 جنيه، وشريط ترامادول، لـ 100 ألف مواطن ظروفه صعبة وقاسية، وأخليه ينزل يعمل حالة في البلد».
وتابع حديثه: «أنا مش هدي المواطن 20 جنيه، علشان الدنيا غليت، أنا هدي له 1000 جنيه».
وأردف: «أنزل المواطنين لمدة 10 أسابيع، يعملوا حالة، وأهد بلد فيها 105 مليون مواطن، بمليار جنيه، يعني 30 مليون دولار، فيه ناس بتصرفهم في حفلة!».
واستطرد: «لما أجي أدفع 85 مليار للأسرة اللي هيا مش حاسة إنها عايشه والناس مرميه في الصفيح في الشوارع وفي المقابر، فحد يقولك البلد اللي مش لاقيه تاكل تفرشلهم الشقة كمان؟ طبعا».
واستكمل الرئيس السيسي حديثه: «إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه».
وأضاف: «إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول».
