ماما نجوى تبكي وتعلن إصابتها بالسرطان لهذا السبب (فيديو)
نشرت حسابات المحطة الإذاعية «نجوم» مقطع فيديو لمقدمة البرامج المعروفة باسم ماما نجوى وهي تبكي وتلوح بالاعتزال.
فيديو ماما نجوى
تعرضت ماما نجوى لانتقادات لاذعة تعليقا على إحدى حلقاتها، وهو ما استدعى خروجها للحديث للجماهير عن الأمر.
وقالت ماما نجوى: «أول مرة أقرأ كومنتات كتيرة على حاجة نزلت.. يا نهار أبيض على اللي اتقال، والعدد كان كبير حوالي ألفين نفر منهم 500 هم عارفين نفسهم، لازم يروحوا يتعالجوا».
وأضافت: «انتو عايزين إيه أعتزل؟، ضروري الواحد يعتزل، هو هيقعد العمر كله يفضل يكلمكم؟، وممكن يعتزل بدري شوية لإني خلاص بقى زهقت لإن من على الآخر العمر الواحد ياخد ده كله».
وتابعت: «في حاجة تانية، الناس بتبص للناس بتستكتر عليها الابتسامة، وبتستكتر عليها السيط ولا الغنا.. ليه إن كل الناس اللي بتضحك تبقى سعيدة وعندها ملايين، ليه كل الناس اللي ربنا مديها طلة أو قبول أو حاجة كويسة ليه لا، ما تقولوا الحمد لله يا ريتنا نبقى زيه، وبسم الله ما شاء الله».
وواصلت: «إيه اللي يريحكم لو أعتزل قولولي، عندي 80 سنة وغلبانة وعيانة وعندي سرطانات وعاملة 7 آلاف عملية وهعتزل وهموت قريب، إيه اللي يفرحكم؟، هدّوا نفسكم والنبي مش علشاني، أنا جاية فرحانة بيكم ومش جاية أعمل مستقبل.. حبوا بعض شوية».
