أروى قاسم تتعرض لهجوم شرس بعد تقديمها برنامج تليفزيوني.. وترد «مش بالدراسة»

تعرضت البلوجر أروى قاسم إلى هجوم شرس من قبل الجماهير بعد تقديمها برنامج تليفزيوني، منتقدين ظهورها على الشاشة لعدم جدارتها بذلك المنصب.

حالة من الجدل الواسعة التي سيطرت على الجمهور بعد ظهور أروى قاسم على الشاشة بما فيهم طلبة إعلام، الذين أكدوا أن ليس هناك أي توافق بينها وبين ما تم دراسته في الجامعة.

الجمهور ينتقد البلوجر أروى قاسم

انتقد العديد البلوجر أروى قاسم بعد برنامجها الذي يحمل اسم هي، قائلين: «يعني اربع سنين تعب ومذاكرة ومصاريف ومشاوير رايح جاي للكلية من اخر الدنيا ومواصفات مذيع وحاجات كتير اوي بتقول مش اي حد يبقا مذيع بس فجأة بتلاقي ان اي حد يبقا مذيع عادي».

وتابع قائلًا: «الفكرة ان خريجين اعلام مش لاقيين حتى مكان للتدريب بس حتي.. فين نقابة الإعلاميين بقى.. فين نظرية الحارس اللي لسه امتحنت فيها».

وقال آخر: «هو ازاي تبقى إعلامية وتقدم برنامج من غير حتى ما تدرس أي حاجة ليها علاقة بالمجال.. ولا هو الموضوع بقى غير مهني لدرجة أن أي حد له صيت يطلع عالشاشة عشان له جمهور على الجاهز بدون خبرة».

​​​​​​​

أروى قاسم ترد على انتقادات الجمهور لظهورها على الشاشة

ردت البلوجر أروى قاسم، على الانتقادات والسخرية التي تعرضت لها، عبر خاصية استوري على موقع إنستجرام، قائلة: «مفيش حاجة بتيجي بالدراسة فقط، في خبرة وفي كورسات، في تعب ومجهود واجتهاد وتوفيق من ربنا عارفينه.

وتابعت حديثها، قائلة: «طول الوقت الحقيقة بشتغل أو عندي تصوير أو بحضر لحاجة كبيرة، فمعنديش وقت للناس، مين هما عشان عمري ما هشوفهم، ودي مش أول مرة على شاشة التليفزيون ولا آخر مرة، وكل مجال بدخله بنجح فيه الحمد لله».