تتر مسلسل كوبرا.. كلمات أغنية الجايزة الكبرى لبهاء سلطان (فيديو)

أدى الفنان بهاء سلطان تتر مسلسل كوبرا من بطولة محمد إمام، والذي يعرض خلال النصف الثاني من شهر رمضان لسنة 2024.

كلمات أغنية كوبرا بهاء سلطان

تقول كلمات الأغنية:

• ما كفاية بواخة بقى يا دنيا ومتزهقينيش

• لايميها خلاص ده أنا مش شايف وبقيت شيش بيش

• عمالة تشيلي وتهبدي فيا وأنا بعافر

• بس اعتقيني لوجه الله وكفاية تلطيش

• أنا اتبهدلت.. أطلع من حفره ألاقيني نزلت في 30 فحت

• واخداني يا دنيا شوية لفوق وشوية لتحت

• واقع في الخية لشوشتي ومش عارف أفلفص

• وبيتهيألي دي خلصانة أتاريني اتسوحت

• ما تخفي يا دنيا شوية أمال بقى على كوبرا

• ده في قلة بختي أنا واخد الجايزة الكبرى

• دوختيني وعمال ألف أنا حوالين نفسي

• أبقى في أسيوط فجأة ألاقيني في دوران شبرا

• كفاية بقى.. وغلبت زهقت تعبت طهقت أنا من التنطيط

• أجي أفادي أنا شجرة ألاقيني لبست يا ناس في الحيط

• ألاقيها منين أنا ولا منين بس يا عالم

• ده أنا حتى في عز الشمس بتطلعلي الوطاويط

• هو أنا مكتوب ليه على وشي إن أنا منحوس

• مش عارف إذا كنت خايب الرجا ولا أنا متعوس

• مش عايزه الدنيا تزهزه ليا وتضحكلي

• بدخل متفائل وأطلع مكبوس

• كعبلتيني وشنكلتيني كده على السخان

• واخداني من بلوه على مصيبة ليه ده أنا غلبان

• فاكريني أنا لقمة طرية ومش هاخد غلوه

• بس أنا بقى هيشوفوا مني أشكال وألوان