الدكتور رامي إسماعيل.. القصة الكاملة لمعجزته التي قابلتها اتهامات بالنصب
واجه طبيب يدعى رامي إسماعيل اتهامات بالنصب وتزوير خبراته العملية، بعد انتشار فيديو له عن معجزة يزعم أنها حدثت له.
فيديو دكتور رامي إسماعيل
انتشر مقطع مصور حول مواقع التواصل الاجتماعي لرامي إسماعيلي يحكي تفاصيل ما يزعم أنها معجزة حقيقية حدثت له.
حكى رامي إسماعيل في الفيديو: «في العشر الأواخر من رمضان كنت بكلم واحد صاحبي اسمه عمرو زكي بقوله انت فين؟ قالي أنا بلبس علشان رايح المطار كمان ساعة للسفر للمدينة».
وقال إسماعيل: «كنت متضايق لإني كنت عايز أروح، فعرفت إن الأمر يأتي بداية من السماء ليس من الأرض، فانت لو ركزت إن الإذن يأتي من ربنا هييجي الإذن، لكن لو ركزت في أسباب الأرض مش هتمشي».
وأضاف: «كلمني واحد من علماء المدينة بيسلم علي وبيوصيني بالدعاء وليلة القدر، ولما سألته انت فين قالي في المسجد النبوي، قلتله كان نفسي أفطر معاكم في المسجد النبوي النهارده».
وتابع: «قالي اتفضل، قولتله إزاي بينا البحر الأحمر، فسألني هو ربنا قادر يجيبك ولا لا؟ فرديت قولتله أيوه قادر، قالي وانت مصدق؟ قلتله لا أصل مش هتيجي بالعقل إني هاجي أتعشى معاه في دولة تانية بعد ساعة، فقالي لو انت مش مصدق فالله لن يجيب عبد يختبره أو يشك في قدرته».
وواصل: «قالي لما تصدق إن الله قادر اتكلم معايا، فقلتله خلاص مصدق بس في أسباب أعمل بيها، قالي اه، فأكثر من الصلاة على الرسول والصدقة إذا كانت فلوسك قليلة».
وقال: «كلمت والدتي أسألها عن محتاج وأرسلت 3 آلاف لسيدة محتاجة، وفضلت أصلي على النبي من المهندسين للشيخ زايد، وفتحت الموبايل وكتبت على جوجل رحلة من القاهرة للمدينة لقيت رحلة طالعة من القاهرة للمدينة في 3 ساعات، وكان صعب أحجزها، وقعدت أصلي على النبي تاني لقيت مكالمة من حد بيسألني في استشارة وسمعت جنبه صوت عرفني إنه شغال في مكتب حجز مصر للطيران فحجزلي الطيارة».
اتهامات للدكتور رامي إسماعيل بالنصب
نشر طبيب يزعم أنه كان زميلا للدكتور رامي إسماعيل تغريدة على «X» يتهمه بالنصب كتب فيها: «رامي كان دفعتي وكان تقديراته من مقبول لجيد بس كان بيسافر تبادل طلابي في الصيف أسبوعين ولما اتخرج قال عليها خمس زمالات، وراح اتصور مع مجدي يعقوب وقال إنه تلميذ مجدي يعقوب، وفتح عيادة قلب بالبكالوريوس وكان بيقول للناس ما تركبش دعامات وتاخد الدوا بس وناس كتير ماتت بسببه، مكانه السجن».
