السيسي يكشف بالأرقام أسباب ارتفاع الدولار: العطور ومزيلات العرق تكلف الدولة 440  مليون دولار

انتقد الرئيس عبد الفتاح السيسي، خلال افتتاحه اليوم لمحطة قطارات صعيد مصر ببشتيل، شراء السلع الترفيهية بمليارات الدولارات مصل مستحضرات التجميل والشيكولاته وغيرها.

قال الرئيس السيسي: «مصر استوردت عطور ومزيلات عرق وماء تواليت بنحو 400 مليون دولار، ويلوموني وتقلوا لي الدولار غالي ليه؟!.. مابقولش إنا نقفل البلد علشان الناس ماتفهمش غلط».

وأشار أن مستحضرات تجميل تكلف الدولة تقريبًا بـ500 مليون، وحقائب يد تكلف الدولة بـ 200 مليون، وشيكولاتة تقريبًا بـ400 مليون، حتى السيراميك بـ235 مليون

وأضاف الرئيس السيسي: «ورق الفويل بيكلف الدولة 500 مليون جنيه طب ورق الفويل ما بنعملوش هنا ليه؟.. الجبنة بتكلف الدولة ـ1.2 مليار دولار»، متسائلاً: «مش عارفين نعمل مصانع ننتج الحاجات اللي هما عايزاها؟».

وضع الرئيس السيسي حلاً لأزمة ارتفاع الدولار في مصر: «لو كنتوا عايزين تتجاوزا تحدي الدولار، لازم نسبة من المنتجات يتم تصنيعها في مصر، وهو أمر ليس سهلا».