السيسي يبشر المصريين بتحسن الأحوال المعيشية بعد 10 إلى 15 سنة
كشف الرئيس عبدالفتاح السيسي عن تصوره للوقت الذي يحتاجه الاقتصاد المصري للوضوع إلى وضع مستقر تصبح فيه الأوضاع المعيشية أفضل.
تصريحات الرئيس السيسي اليوم
قال السيسي أثناء تفقده أكاديمية الشرطة، يوم السبت: «الخطة اللي اتعملت مع دولنا كانت خطة جديدة علينا وكان اول مرة نشوف استخدام مواقع التواصل الاجتماعي في تحريك الدنيا، ولغاية دلوقتي.. طيب ما في حجم إشاعات وكذب كتير قوي وضخم جدا جدا».
وأوضح: «كفاءة الكذبة إنها يبقى فيها جزء حقيقي، ثم يتحط الأجزاء الأخرى اللي الهدف منها تعظيم الضرر من الحتة الحقيقية، وده شغل مش هينتهي».
وأضاف السيسي: «واحنا بنتكلم دلوقتي في حجم ضخم من الأكاذيب والافتراء. يجيب جملة أو فقرة أو حدث حقيقي ويكبره، زي ما قالوا اختطاف الأطفال والنساء والهجوم على البيوت كإن مفيش أمن».
وتابع: «هفترض إن ده موجود. هو الصح بتاعه إنك تقوم تهدها بدل ما تزود أكتر والخطف نسبيته تزيد؟، الشغل ده بيتعمل من أجهزة مخابرات وأنا مش بتكلم على بلد بعينها».
وقال السيسي: «لازم تكونوا عارفين إننا لينا خصوم والخصوم دول مش من مصلحتهم إن مصر تبقى كويسة، بلد فيها 120 مليون ومعدلات الحركة بتاعتها لو استمرت كده، ودي فرصة توصل للمصريين، لو استمر النمو كده 10 أو 15 سنة انتو هتبقوا في حتة تانية».
وواصل: «بفضل الله سبحانه وتعالى مع غيري واللي بعدي، متقعدوش كل شوية تهدوا في بلدكم، وخلوا بالكم هم يومين واللي بعد مني جاي واللي بعد منه جاي والبلد دي قاعدة بناسها، يبقى الناس دي تهد بلدها ولا تحافظ عليها».
