حملة تطالب بحق عبد العزيز شحاتة بعد موقفه الشهم مع فتاة تعرضت للتحرش.. القصة كاملة

أصبحت حملة المطالبة بحق الشاب عبد العزيز شحاتة ترند السوشيال ميديا، بعد تداول نشطاء مواقع التواصل الاجتماعي العديد من المنشورات التي تحكي تفاصيل قصة الاعتداء عليه بعد موقفه الشهم.

حق عبد العزيز شحاتة لازم يرجع.. حملة للمطالبة بمحاسبة المتهمين 

كانت بداية قصة الشاب عبد العزيز شحاتة، منذ ما يقرب من 17 يومًا، عندما كان عائدًا من عمله ورأى إحدى الفتيات تتعرض للتحرش بمنطقة شبرا، واستنجدت به، فحاول إنقاذها.

وفوجئ بعد الاشتباك مع المتحرشين بالفتاة، حيازتهم لعدد من الأسلحة البيضاء، فقاموا بضربه والاعتداء عليه ما أدى إلى إصابته بجروح خطيرة منها جرح غائر يصل من منطقة الظهر إلى البطن.

وحرص شحاتة على توثيق الاعتداء الوحشي الذي تعرض له، عبر منشور له على حسابه الشخصي على فيسبوك، حيث دون: «حسبي الله ونعم الوكيل.. أنا حقي لازم يرجع  عشان أنا مكنش زماني بكتب اللي حصلي.. لولا كرم ربنا والحمد لله على كل شيء».  

موضحًا: «اللي حصل ده كان يوم السبت الموافق يوم 8 فبراير حوالي الساعة 8 قرب العشاء في قلب ميدان المؤسسة أمام برج الخير، كنت راجع من شغلي عادي زي كل يوم لاقيت بنت وولد موقفها مسبتها».

وأضاف: «وأنا ماشي جمبها قالت ألحقني يا كابتن طبعًا دخلت على الواد بقوله عيب ودي بنت وكده طبعًا معجبوش الكلام في ثانية كان الرجالة اللي معاه كلها بقت حواليا هنا أنا كنت بتفتش وأنا واقف حولت أدافع عن نفسي وحصل اللي حصل».

وأرفق مقطع فيديو يظهر لحظات الاعتداء عليه المسجلة عبر إحدى كاميرات المراقبة الموجودة بمنطقة شبرا، وتداول الفيديو عدد من كبير المستخدمين. اضغط هنا

وضمن الحملة المطالبة بمحاسبة المتهمين، علق حساب باسم يوسف عبد المجيد على فيسبوك مدونًا: «الشاب الجميل ده اسمه عبد العزيز شحاتة، كان راجع من شغله وشاف بنت بتتعرض للتحرش وبتتثبت في منطقة شبرا من شوية شمامين فحاول يساعدها، قاموا اتجمعوا عليه زي الفران بأسلحة بيضاء وهو وحيد وأعزل، ووقف راجل لغاية آخر لحظة وكان هيروح فيها لولا ستر ربنا، لكن للأسف خرج بإصابات خطيرة».

وأردف: «الحادثة دي بقالها 10 أيام، والعيال ماتلمسش منهم شعرة، فأنا عايز أفهم هل المحضر اللي اتعمل ضدهم هيتسجل كمشاجرة برضو زي ما بيحصل لما حد بيستنجد بالشرطة؟ ولا هيتجاب حقه بالقانون؟ لأن لو مش هيتجاب ممكن جدًا نعمل حملة وننزل ندور على العيال دي ونجيب حقه وتتسجل مشاجرة برضو».