تحذيرات من مشاهدة ريلز انستا بعد عطل الخوارزميات.. ما السبب؟
تداول العديد من نشطاء مواقع التواصل الاجتماعي في الساعات الأولى من يوم الخميس الموافق 27 فبراير 2025، تحذيرات من مشاهدة ريلز تطبيق انستجرام، وذلك بعد حدوث عطل في الخوارزميات.
سبب التحذيرات من ريلز الانستجرام.. القصة كاملة
فقد ظهر على تطبيق انستجرام فيديوهات ريلز مخفية، كما لو كانت محتوى عنيف ولمشاهدتها يتطلب منك السماح بإزالة الحجب والتشويش لرؤية الفيديو بوضوح.
لكن صُدم الكثيرون بعد متابعة الفيديوهات، حيث تحتوي على مشاهد دموية وعنيفة ما قد يضر بالصحة النفسية، سواء للكبار أو الصغار.
وتحدث بعض المختصين في مجال السوشيال ميديا، بأن عطل الخوارزميات أدي إلى ظهور عدد كبير من مقاطع ريلز بشعة، تابعة للدارك ويب الذي لا يتضمن رقابة على محتواه.
وكتب حساب باسم «عبد الرحمن عبد الرازق»، معلقًا على ريلز انستا الدموي: «نصيحة لوجه الله.. في مشكلة في خوارزميات الانستجرام ونصيحة محدش يفتح أي محتوى محجوب لأن الفيديوهات بشعة ومرعبة ومؤذية لأقصى درجة.. هتلاقي نفسك دخلت الدارك ويل حرفيا».
كما نشر حساب باسم «محمد أمير»: «نصيحة ضروري اوعى تتجاهلها.. لو بتقلب في الريلز دلوقتي على انستجرام قبل ما تنام وظهرلك وأنت بتقلب فيديوهات مخفية زي ما في الصورة كدا أوعى تدوس وتفتحها لا أنت ولا عيالك ولا أي حد يخصك».
وأردف أمير: «الخوارزميات على انستجرام حصل فيها عطل، وكل الفيديوهات المخفية دي هتلاقيها عبارة عن قذارة وعنف وحاجات بتتقطع وأعضاء بتتناثر وناس بتستبيح بعض وحاجات جاية من الديب ويب معرفش نزلت ازاي ولا الغرض منها ايه».
مؤكدا عبر منشوره: «لو خايف على عيالك وعلى صحتك النفسية أو لو شخص طبيعي عادي تجنب انستجرام دلوقتي لحد ما نشوف ايه الحوار ده، أوعى فضولك يسوحك، الموضوع مؤذي حرفيا، خلي بالك وعرف اللي حواليك.. اللهم بلغت».
