محمد رمضان
كلمات أغنية لسه بدرى عليه لمحمد رمضان مكتوبة وفيديو
لاقت كلمات اغنية لسه بدرى عليه للفنان محمد رمضان إعجاب العديد من الجماهير بعد إعلان طرحها عبر موقع الفيديوهات الشهير يوتيوب وجميع المنصات الموسيقية.
وروج «رمضان» لأغنيته الجديدة بنشر مقطع فيديو عبر «إنستجرام» مرفقاً بتعليق:«راح ذاكرله كام كتاب قال خلاص أنا هعلم ع المعلم، روح إسمع لسه بدري عليه دلوقتي على كل المنصات».
ينشر «شبابيك» خلال السطور القادمة كلمات أغنية لسه بدرى عليه لمحمد رمضان، بعدما تصدرت موقع الفيديوهات الشهير يوتيوب من بين العديد من الأغاني الجديدة.
كلمات أغنية لسه بدرى عليه
وجاءت كلمات الأغنية كالتالي:
مرة عيل شنبه خضر
على صوته على المعلم
راح ذاكرله كام كتاب
قال خلاص أنا هعلم على المعلم
كان نفسه يتصيت
اديتله راح خيط
كل أما يتنطط
هروحه معيط
لسه بدري عليه.. لسه بدري عليه
يا سنتي أنا مترين
لسه بدري عليه.. لسه بدري عليه
الصوت ده جاي منين
عارف اللي شاغل ناس كتير
أنا ده
عارف اللي حارق ناس كتير
أنا ده
عارف اللي جنن ناس كتير
أنا ده
طب عارف الحقودي اللي بيغير
هو ده
وسع يلا من هنا
وسع يلا ماتجيش عندنا
وسع علشان صدعتنا
مش في دماغنا أنت في رجلنا
لسه بدري عليه.. لسه بدري عليه
يا سنتي أنا مترين
لسه بدري عليه.. لسه بدري عليه
الصوت ده جاي منين
أنا البطل يا مشهدين
وأنا التاريخ يا صفحتين
خد الخلاصة كلمتين
أنا من زمان يا من يومين
خد تعالى متخافش أنا البابا فاللي خلف مامتش
أنت لسه نونو فمش طالبة قشط
لا مشوفتلكش
لسه بدري عليه.. لسه بدري عليه
يا سنتي أنا مترين
لسه بدري عليه.. لسه بدري عليه
الصوت ده جاي منين
والعيل يتعلم الدرس إن صوته مايعلاش على المعلم
ده الصغير مهما يكبر
مش هيكبر على المعلم
