من هو زوج أسما شريف منير الثالث؟.. ليس من الوسط الفني (صور)

فاجئت الإعلامية والممثلة أسما شريف منير محبيها ومتابعيها، بنبأ زواجها للمرة الثانية، وشاركت الجمهور العديد من صور عقد القران، لذا تطلع الكثيرون لمعرفة من هو زوج أسما؟

زواج أسما شريف منير

نشرت أسما شريف منير عبر حسابها الرسمي على موقع انستجرام، صور حفل زفافها التي تجمعها بعائلتها وزوجها أحمد شامل عزمي، الذي يعد من خارج الوسط الفني.

ودونت منير على صور زواجها: «أنا الحمد لله اتجوزت، وده قرار جه بعد فترة طويلة من رحلة عشتها مع نفسي. من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها. فهمت نفسي أكتر، اتعرفت على نفسي أكتر، فهمت أنا محتاجة إيه من الجواز».

وتابعت: «كنت دايماً بقول: يا رب اختار لي ولا تخيرني. وكنت مركزة جداً في موضوع إني أتعامل بالتوكل، وتوكلت على ربنا تمامًا تمامًا في القرار ده، وتعاملت على إنه هو اللي هيجوزني وهو اللي هيقول لي أعمل إيه».

وأردفت عبر حسابها: «وده اللي حصل عمري ما كنت أتخيل إني هتعرف على أحمد إزاي ولا إن إحنا لما تعرفنا على بعض إن إحنا كنا هنتجوز أصلاً أو أي حاجة».

وكتبت عن زوجها: «واللي شدني في أحمد إنه قريب من ربنا و بيغيرش الحقايق، وعارف مسؤولياته تجاه ربنا و عيلته، وعارف معاملاته تجاه ربنا عاملة إزاي. فلقيت الشخص اللي ممكن يبقى بيعامل الناس وجواه سالك، جواه إيمان، ده حد تقدر تثق فيه وتحس إنه تقدر تبني معاه حياة وإنت متطمن».