كلمات إعلان عصام عمر «مين عدى الثلاثين» تخاطب جيل الثمانينيات والتسعينيات

أثار إعلان عصام عمر في رمضان 2026 إعجاب العديد من الجماهير من بين الإعلانات المعروضة على الشاشة، وذلك لمخاطبته فئة عريضة من مواليد جيلي الثمانينيات والتسعينيات، وذلك من خلال جمل بدت قريبة من تفاصيل حياتهم اليومية.

طرح إعلان عصام عمر من خلال أغنية دعائية بصوت ماجد الكدواني، والتي حملت طابع ساخرا موجهة لكل من تجاوز سن الثلاثين.

كلمات أغنية إعلان وادي دجلة ماجد الكدواني

بدأت الأغنية بسؤال مباشر داخل أحد المشاهد المصورة: «مين عدى الثلاثين؟»، وهو السؤال الذي وجه إلى عصام عمر في سياق درامي بسيط، قبل أن تتوالى المقاطع التي تستعرض مواقف مرتبطة بتغير نمط الحياة بعد بلوغ هذه المرحلة العمرية.

واعتمد إعلان عصام عمر على صيغة استفهامية متكررة، بدت كأنها اختبار مرح يضع المشاهد أمام مرآة تعكس عاداته الجديدة.

وجاءت كلمات الأغنية في شكل لقطات سريعة لمواقف حياتية، على النحو التالي:

• مين يادوب لسه معدي التلاتين

• مين طلع له شعرة بيضا من يومين

• مين ياعيني مش مجمع

• مين حالا أهو هيدمع لما نقوله عمو عشان مواليد تمانين

• مين بيدهن فولتارين قبل ما ينام

• مين بقى ينسى أسامي الناس وسط الكلام

• مين بيحب الكنبة أكتر من خروجة وناس بتسهر

• مين بقى بدل ما يجادل بقى يقول تمام

• مين رجع يسمع كلام بابا وماما

• مين بقى يطقم في البيت البيجامة

• مين مش فاهم زياد ظاظا وبيطبخ يوم الإجازة ولما بيخلص تمرين بيقول آه يا انا 

• دة عمو عمو عمو أهو كان لسة كابتن مين كبره

• وطنط طنط طنط كمان كانت لسة بيبي مش من زمان

• مين مكبر الحروف على التليفون

• بالنسباله سينما 12 دة جنون 

• مين الحلوة اللي بتتخض لما اللي في طولها تقول لها طنط

• مين داست غلط وعملت كول تون

• مين كبر معانا وبنحتفل بيه

• مين خلاص شكلنا قربنا نفرح بيه

• مين خلاص مبقاش صغنطط 

• ويادوب يلحق يخطط

• ونوصله لحد البيت الي ينقيه

• دة عمو عمو عمو أهو كان لسة كابتن مين كبره

• وطنط طنط طنط كمان كانت لسة بيبي مش من زمان

تفاعل الجمهور مع إعلان عصام عمر

عكست تلك العبارات تحولات بسيطة لكنها لافتة في حياة ما بعد الثلاثين، بدءا من الاهتمام بالصحة وتغير طريقة النقاش، وصولا إلى تفضيل الراحة المنزلية على السهر الطويل.

ونجح إعلان عصام عمر في توظيف تلك التفاصيل ضمن قالب ساخر لا يخلو من الحنين، مستعيدا روح الطفولة التي نشأ عليها أبناء ذلك الجيل.

أثار إعلان عصام عمر موجة تعليقات واسعة، إذ كتب أحد المتابعين على «يوتيوب»: «ده أنا بذات موضوع الجدال والكنبة»، بينما أشاد آخر بالفكرة قائلًا: «أحلى إعلان وأحلى فكرة بجد».

وذهب بعضهم إلى التعبير عن دهشته من دقة الوصف بعبارات مثل «إزاي يعملوا حياتنا في إعلان» و«الإعلان الوحيد اللي لمس الواقع».