ضبط سايس تعدى على سيدة بالضرب ببني سويف

تمكنت الأجهزة الأمنية بوزارة الداخلية من كشف ملابسات مقطع فيديو تم تداوله بإحدى منصات التواصل الاجتماعي، تضمن قيام منادي سيارات بالتعدى على سيدة بالضرب وإصابتها ببني سويف.

ضبط سايس تعدى على سيدة بالضرب ببني سويف

أفادت وزارة الداخلية في بيان لها، اليوم الثلاثاء، أن أجهزتها فحصت الفيديو المتداول، فتبين أنه تبلغ لقسم شرطة بنى سويف من إحدى السيدات - مصابة بكدمات وسحجات متفرقة بالجسم– مقيمة بدائرة القسم، بتضررها من سايس  بدون ترخيص لقيامه بالتعدى عليها بالضرب وإحداث إصابتها المشار إليها لرفضها دفع مبلغ مالي نظير توقف سيارتها بأحد الشوارع بدائرة القسم.

أمكن تحديد وضبط مرتكب الواقعة، وهو عاطل مقيم بدائرة القسم، وبمواجهته اعترف بترتكاب الواقعة على النحو المشار إليه، وتم تتخاذ الإجراءات القانونية، وتولت النيابة العامة التحقيق.

يشار أن القبض على المتهم جاء على خلفية نشر فتاة تدعى إنجي مجموعة مقاطع مصورة عبر حسابها الشخصي على «فيسبوك»؛ للشكوى من تعرضها لاعتداء بدني على يد شاب.

وقالت الفتاة في منشورها: «دلوقتي انا عايزة احكي على موقف حصل معايا يوم التلات الموافق 10/2 الساعه 7 ونص مساء بظبط وانا بركن عربيتي عند مسجد عمر ابن عبدالعزيز عند المحكمه القديمه وعند كشك احمد الابيض في بني سويف واللي عارف المنطقه دى، عارف انها مش باركينج، ظهر لى شاب كدا شغال سايس، من البداية خالص بيرازيني علشان الركنه قولتله ثواني وراجعه ومعنديش مشكله خالص فى فلوس الباركينج ولا كانت هتفرق معايا، وبعدين رجعت أخد حاجه من العربية وراجعه تاني لقيته وقف لى عند الشباك ومربع لى أيده واللي هو فِرده عليا، وخبط لى على الكبوت وقالى طيب شيلي العربية دى بدل ما اكسرهالك ، لسه صاحبتي بتقوله هتكسرها ازاى يعني ف بدأ يقاوح بالكلام معاها وصوته بقي عالي».

وأضافت: «مردتش ارد عليه وحاولت اتلاشي الموقف وبعدين خوفت احسن يعمل حاجه فالعربية فعلا ف طلعت الموبايل علشان اصوره ، اتهجم عليا وزاحني وكان عايز ياخد الموبايل شلت الموبايل ،ضربني بالبوكس فوشي و دوخت جدااا و مبقتش شايفة وروحت المستشفي اكتشفت اني مناخيري فيها كسر وكدمات شديده ف عيني، والاسوأ من كدا أنه كان لسه هيكمل  وكان هيطلع سلاح أو حاجه من جيبة لولا الناس اتلمت وهو بكل بجاحه بيقول امشوا من هنا بدل ما اقتلك وحتي زميلتي اللي كانت معايا بردو حاول يتهجم عليها وهي بتبعده عني أو تحاول تصوره».