حسام حسن
حسام حسن يتحدث عن فلسطين بشجاعة في المؤتمر الصحفي لمباراة الأرجنتين (فيديو)
تلقى المدير الفني للمنتخب الوطني، حسام حسن، اليوم الاثنين، سؤالا حول موقفه الداعم لفلسطين في المباراة السابقة للفراعنة أمام أستراليا بدور الـ 16.
وقالت الصحفية في المؤتمر الصحفي قبل مباراة مصر والأرجنتين: رأيناك ترفع العلم الفلسطيني بعد مباراة مصر وأستراليا ما هو شعورك وهل ستكرر الأمر بعد لقاء الأرجنتين؟
كلام حسام حسن عن فلسطين
قال حسام حسن: «برحب بيكي والشعب التركي كله .. كل واحد ليه مشاعر وأحاسيس، لكن لو في حد في العالم محسش بالشعب الفلسطيني يبقى مش بني آدم أيا كان بقى ده عربي أو أوروبي أو غيره».
وأضاف حسن: «حتى الشعوب في أوروبا و أمريكا بتهتم بحقوق الحيوانات لو حد تعرض ليهم ما بالك بحقوق البني آدم وهم بيتعرضوا للتعدي كل يوم أطفال وستات».
وتابع: «احنا شعوب قاعدين في بيوت مكيفة ومعانا الأكل والشرب وفي شعب قاعد في الشوارع ومفيش أكل وشرب ولا مكان يسكن فيه وبيتعرض للدمار».
وقال المدير الفني للمنتخب المصري: «إحنا لو محسناش باللي بيحصل في فلسطين يبقى الشخص ده مش بني آدم ومينفعش يعيش مسلم مسيحي أي ديانه أو أي جنسية الموضوع ملوش علاقة بالجنسية».
وواصل: «عايز أي حد بيتكلم اقوله فكر تجرب بس تعيش يوم واحد في الشارع مفيش أكل مفيش شرب وفي البرد مش لاقي حاجه تدفي نفسك وفي الصيف مش لاقي حاجه تهوي عليك».
ووجه رسالة شجاعة مفادها: «عار علينا كلنا وعلى العالم كله إنه سايب الشعب الفلسطيني عايش كده والشعوب كلها قاعدة مرتاحه حوالية، وأنا إنسان قبل أكون عربي أو مصري والموضوع لا ليه علاقة بالديانه أو الجنسية.. هو موضوع ليه علاقة بالإنسانية .. احنا من خلال كرة القدم بنبعت رسالة للعالم كله أرجوكم خلوا الشعب الفلسطيني يعيش بعد اذنكم خلوهم يعيشوا».
