نرشح لك.. 6 استخدامات لجلد الخروف

جلد الخروف ليه استخدامات كتير.. تعالوا نشوف ممكن نستفيد منه ازاي بدل منتخلص منه، ولكن ده بعد ما نغسله بميه وملح عشان نتخلص من ريحته، ونسيبه في الشمس ونرش عليه شوية ملح لحد ما ينشف: - مشاية في البيت.. ممكن تتحط قدام باب البيت أو في أي ركن انتو عايزينه. - سجادة.. كمان ممكن نستخدم جلد الخروف كسجادة في البيت أو نقعد عليها في الشتاء لأنها بدفي جدا. - طبلة.. ممكن نستخدم جلد الخروف كمان في عمل الطبلة و الدف. - سرج للحصان.. في الصعيد بيستخدموا جلد الخروف بدل سرج الحصان لمتانته. - ديكور.. ممكن تستخدم جلد الحروف كديكور وتحطه على الحيطة هيكون شكله جميل جدا. - جواكيت.. طبعا جلد الخروف بيتعمل منه جواكيت الجلد الفرو.. وكل سنة وانتو طيبين :)