أكلات مينفعش تعيّد من غيرهم
هلت بشاير عيد الاضحى أو "عيد اللحمة" أو العيد الكبير زى ما بيقولوا عليه المصريين، واللى بياخد نصيب دسم وكبير عند الناس غير الاعياد التانية، وبيرتبط دايما فى أذهان الصغار بالفرح والسعادة واللعب مع الخروف، وينتهى عند الكبار بدبح الاضحية وتوزيعها والأكلات الشهية.
وبمناسبة الأكل هنتكلم عن أكلات ارتبطت فى أذهنا بالعيد، وكمان مبنحسش بحلاوتها طول السنة ‘لا فى العيد.
الرقاق
صينية الرقاق باللحمة من الأطباق الرئيسية فى العيد، مش هتلاقى بيت فى مصر مبيعملهاش، وطبعا الرقاق ده بيكون متظبطله من قبل العيد.. بتتفق ست البيت مع واحدة ريفية عندها مهارة فى عمل الرقاق بالمكاييل المظبوطة عشان تخرج الرقاق على شكل رصات متساوية.
الممبار
الممبار أو طحال الخروف، طعمه شهى ولذيذ جدا، وده من أول الأطباق اللى لما بتتحط ع السفرة فى العيد وبتخلص أول حاجة. وبالرغم من أنه متعب وبياخد وقت فى تحضيره وتنضيفه إلا ان ست البيت لازم تعملوا في العيد.
الفتة
الفتة هى الاكله اللى بتجبر العيلة كلها ‘نها تاكل من طبق واحد، كمان هى طبق أساسى فى العيد، وبنفضل ناكلها كل أيام العيد ومحدش بيمل منها.
الفتة لذتها فى مزازتها وهى عبارة عن طبقات من الرز مع العيش، من فوق الصلصة واللحمة من على الوش.
اللحمة المشوية
اللحمة المشوية هى الأكلة اللى بتحمع العيلة مع بعضها فى البيت، وبتحسسهم بفرحة العيد.
طعم اللحمة بيكون ليه مذاق مختلف، ورغم تعب ست البيت فى تحضيرها لإنها بتاخد وقت كبير جدا إلا أنها بيتبقى مبسوطة وهى بتعملها .
