احمي نفسك من التحرش في العيد (9 خطوات)
يعتبر العيد موسم للتحرش بسبب الزحمة وزيادة تواجد الناس في الشارع عن أي فترة تاني، وللتحرش أشكال كتير.. شبابيك بيقدملك خطوات بسيطة للحماية من التحرش وللدفاع عن النفس لو تعرضتي لمحاولة تحرش.
اتاكدي قبل خروجك إن موبايلك مشحون كويس علشان لو هتطلبي المساعدة من حد، وفي حالات الطوارئ
- ممكن تتصلي بالأرقام دي للمساعدة:
- شفت تحرش : 01150118822.
- نظرة للدراسات النسوية: 01011910917.
- مركز النديم لتأهيل ضحايا العنف والتعذيب: 01006662404 أو 01006664894.
- إرسال رسالة قصيرة على 6069.
عرفي حد مكانك كل شوية خصوصاً لو حاسة بخطر، لو حسيتي إن في حد ماشي وراكي أو ركبتي تاكسي وخوفتي إتصلي بحد وإحكيله وبلغيه بتحركاتك عشان اللي قدامك يعرف إنك مش لوحدك.
لو إنتي من هواة لبس الخواتم، يستحسن تلبسي خاتم تقيل أو فيه «فص» أو «سن» علشان لو ضربتي المتحرش يؤلمه ويشله عن حركته شوية نتيجة الوجع وإنتي تعرفي تتحركي.
في حالة إن حد قرب لك، إستخدمي «إسبراي العرق» الخاص بيكي في إنك ترشيه على عينيه، الاسبراي هيوجعه حتى لو وجع بسيط، أو حضري «رذاذ الفلفل» قبل نزولك من البيت وخليه في شنطتك دايماً ورشيه على «عين أو أنف» المتحرش.
- ودي مكوناته وطريقة تحضيره:
- - ملعقتين من مسحوق الفلفل الأحمر.
- - كحول أثيلي وزيت أطفال «جونسون»، موجود بالصيدليات.
- - منديل للفلترة أو شاش.
- - عبوة بخاخ صغيرة.
- يتم خلط مسحوق الفلفل مع 2 سم من الكحول بشكل جيد وإضافة 1 سم من زيت الأطفال ورج الخليط ثم فلترته ووضعه في البخاخ، وتجربته بعد تحضيره لمعرفة قوته.
ممكن تحطي حجر في شنطتك عشان تخبطي بيه أي متحرش أو علشان يتقل حجم الشنطة وتقدري تضربي المتحرش بيها.
إضربي المتحرش "بين رجليه" أو في عينيه بـ"البوكس" وما تخافيش وإستغيثي..حاولي بصوتك تجمعي أكبر عدد من الناس يساعدوكي لو فشلتي في ضربه.
شيلي دايماً شوية من أي إزازة ماية أو بيبسي بتشتريها وخليها في إيديكي علشان تغرقي المتحرش بيها وتفاجئيه.
ركزي كويس، ممكن كعب جزمتك ينقذك من موقف تحرش بإنك تضحي بيه وتكسريه على راس متحرش أو حتى تخبطيه بيه.
أضعف وسيلة ممكن تحميكي زي "دبوس طرحتك" أو تجمعي مجموعة دبابيس معاكي وتغرسيها في أي مكان حساس عند المتحرش.
ودي طرق للدفاع عن النفس عن طريق الضرب بالصور في حالة أي إعتداء:
