«عيش الفصلان» وشد «فيشة الحياة»
عندك ضغط شغل ومذاكرة ومشاكل كتير في حياتك.. مخنوق ومتضايق وعايز تفصل من كل اللي حواليك.. مش عارف تعمل إيه وتروح فين.. بنقدملك هنا 6 أفكار مجنونة للفصلان تقدر تهرب بيهم من الواقع الخنيق عشان تحدد نشاطك.. أغطس
- بلبط في البانيو: ممكن تفصل دماغك وجسمك عن كل حاجة وتجبر نفسك إنها تحس بشعور واحد بس هو "الاسترخاء"، كل اللى عليك هو انك تملى البانيو وتغطس فيه وتنسى الهموم شوية.. صدقني هترتاح.
- الصحراوي: لما تكون قاعد في البيت مع العائلة ومش عارف تروح فين وعايز تفصل من الناس كلها، من غير ما تضايق حد بكلام يطلع منك وأنت مخنوق، أطلع على الصحراوي بالليل واقعد مع نفسك، الجو الهاديء مع الليل وحركة العربيات هيخليك فاصل من الدنيا كلها، ولو عايز تفكر في حاجة معينة هتفكر بهدوء، ممكن لما تروح الصحراوي تقعد على تلة عالية زي اللي موجودة على طريق 6 أكتوبر، عالم تاني من الفصلان.
- الدور العشرين: شوف أخر دور في بيتك أو عمارتك رقم كام، الـ10 ولا الـ15 ولا حتي 20، وأطلع على السطح اقعد على سور البيت، بس ياريت تكون في زاوية أمان منعًا للحوادث، لو مفيش إمكانية إنك تطلع الدور الآخير أو ساكن في بيت كله 4 أدوار، بسيطة عليك وعلى المقطم أو البرج أو أي مكان عالي.
- عيش الفصلان: استغل المطر لما ينزل لو جنبك البحر أو النيل، وروح بسرعة على الشط نزل رجلك، ياريت تخلي المطر ينزل عليك وأنت في الميه، ياااااااه هتعيش حالة ياعالم هيحصل فيك إيه بعدها من البرد☺.
- شد الفيشة: شد فيشة كل حاجة ممكن تربطك بالواقع زي الكمبيوتر، التلفزيون، الموبايل، الإنترنت، حتي لو كانت الأباجورة، المهم أي حاجة ممكن تسببلك إزعاج شد فيشتها وأقعد مع نفسك ومتقلش مين هيقلق ومين عايزيني، اتجنن ولو لمرة واحدة وأرمي الهم ورا ضهرك.
