ترانيم الميلاد في قلب القاهرة.. حفلات متفوتكش
أجواء أعياد الميلاد ملأت العالم الأيام دي، ولأن آخر ترنيمة سمعناها على الراديو كانت «ليلة عيد» لفيروز، ومن ساعتها ماسمعناش أي حاجة. بس السنة دي ممكن تحضر حفالات في قلب القاهرة ترجع لقلبك نفس بهجة فيروز وهي بتغني ليلة عيد.
فريق التسبيح مجموعة شباب مستقلين، قرروا ينشروا بهجة العيد في القاهرة. بيعملوا حفلة سنوية في ساقية الصاوي، والسنة دي ليهم حفلتين، واحدة في الساقية يوم 24 ديسمبر، والتذاكر موجودة ومتاحة حاليًا في الساقية.
أما الحفلة التانية، يوم السبت 26 ديسمبر في الحرم اليوناني في الجامعة الأمريكية، وده هيكون يوم للاحتفل بالميلاد وأنشطة تانية مختلفة. لتفاصيل حجز التذاكر اضغط هنا.
حاولوا متفتوش الفرحة.. كل سنة وأنتوا طيبين.
