في يوم رأس السنة ..اطلع رحلة برا القاهرة
بما إن ليلة رأس السنة خلاص قربت، مفيش أحلى من أنك تطلع رحلة برة القاهرة، وتحتفل في مكان جديد بنهاية سنة وبداية سنة جديدة، وتقضي وقت مبهج. تعالوا نتعرف على تفاصيل الرحلات دي في التقرير ده..
رحلة سيوة
صفحة Chill out على الفيس بوك اللي عليها أكثر من 125,000 شخص هتطلع رحلة لسيوة 3 أيام في الفترة من 30 ديسمبر لحد 1 يناير 2016، والتحرك هيكون يوم التلات بليل يوم 29 ديسمبر. لو كنت من سكان القاهرة، التحرك هيبقى الساعة 9 مساء من ميدان عبد المنعم رياض، عند "جو باص"، أما لو كنت من سكان الأسكندرية، التحرك هيبقى الساعة 11 مساء من مكتبة الإسكندرية على البحر.
تفاصيل الرحلة:
- السعر 850 جنيه
تفاصيل أيام الرحلة اليوم الأول (فطار - عشا) • وصول الواحة هيبقى الصبح والفطار في مطعم "عبده" • السكن في فندق "دهيبة" أو فندق "دريم لودج" • التحرك قبل العصر لـ"عين كليوباترا"، العين الطبيعية وسط جناين النخيل والقعدة العربي بالاستراحة على العين • بعد كدة هتحضروا غروب الشمس من جزيرة الغروب وسط البحيرات "جزيرة فّطناس" • بعد الغروب هتشوفوا عين كليوباترا وبالليل هيكون العشا على أضواء الشموع والمشاعل وراكية النار حول العين • وبعد كدة هترجعوا للفندق اليوم التاني (فطار - عشا) • الفطار في الفندق • بعد الظهر هتتحركوا لشالي القديمة وهيتم التجهيز لرحلة الصحرا بـLand Cruisers - وبعدها هيبقى فيه زيارة لبحيرات ومناجم الملح بالواحة - وبعدها هيبقى الـSand Surfing على الكثبان الرملية في صحرا سيوة - وبعدها زيارة عين المياه السخنة "بير واحد" وبحيرة المياه الساقعة في وسط الصحرا -بعد كدة هتحضروا غروب شمس آخر يوم في 2015 من قمم الكثبان الرملية بالصحرا - وبعدين هيتم التحرك لمكان التخييم واستقبال السنة الجديدة في الصحرا - العشا هيبقى في الكامب على الطريقة السيوية (لحم جديان أبو مردم) - القعدة والسهرة حول راكية النار والمارشميللو والشاي السيوي - حفلة الفلكلور السيوي والسهرة في الكامب - الساعة 12 هيبقى الاحتفال بالسنة الجديدة مع Chill out • وبعد كدة الرجوع للفندق بعد الساعة 1 صباحًا اليوم التالت (فطار) • التحرك الساعة 5 صباحًا لمشاهدة شروق شمس 2016 على البحيرات والنخيل من أعلى قمة في سيوة من "جبل الدكرور" • العودة للفندق والفطار • التحرك لجولة حرة في السوق لشراء الهدايا والمصنوعات اليدوية بالواحة • التحرك للعودة للقاهرة والإسكندرية
سعر الرحلة شامل - التنقلات هتبقى من وإلى القاهرة والإسكندرية - الإقامة 3 أيام/ليلتين بالفندق بالفطار - الإفطار أول يوم في مطعم عبده - العشا على أضواء الشموع بعين كليوباترا ليلًا - برنامج الصحرا كامل والعشا والسهرة
دفع الرحلة
عن طريق فودافون كاش/موبي كاش وهيضاف 2%رصيد تحويل أو عن طريق تحويل فلوس للحساب ده في بنك الـ(CIB ( 1000-2470-5287 ) أو عن طريق ماكينة الـCIB
لو عايزين تلغوا الحجز قبل 22 ديسمبر هيرجع ليكوا 50% بس من الفلوس اللي دفعتوها، ولو هتلغوا الحجز بعد ديسمبر مش هيتم ترجيع الفلوس
للحجز من خلال الأرقام ديه 01020022344 - 01204772220، وعشان تتعرفوا أكتر على Chill out زوروا موقعهم من هنا
رحلة دهب وجبل موسى وسانت كاترين
صفحة فسحني على الفيس بوك اللي بيتصفحها أكتر من 36.000 متصفح على الفيس بوك هتطلع رحلة لدهب وكاترين وجبل موسى في الفترة من 30 ديسمبر لـ 1 يناير، التجمع هيكون عند مسجد النور بالعباسية يوم 30 ديسمبر الساعة 9 مساءً والتحرك 10 مساءً، والتأخير على مسؤوليتك الشخصية. تفاصيل الرحلة
السعر: 175 جنيه بس تفاصيل أيام الرحلة
هتتحركوا على طابا لمنطقة "خليج الفيورد" وهتتصوروا فيها وبعد كدة هتكملوا الطريق لدهب وبعد كدة على جنة السياح دهب، وهتوصلوا للكانيون، ودي منطقة غطس، واللي عاوز يغطس هيفضل هناك مع مدرب غطس خاص اسمه كابتن إيهاب.
وبعدها هتركبوا عربيات 4*4، وتروحوا "blue hole"، ثاني أشهر بقعة غطس عالميًا وبعد كدة هنستعدوا لتجربة "مغامرة السنوركلينج"، ونلبسوا العدة "لايف جاكيت – نظارة غطس – تيوب"، وهتقضوا اليوم كله هناك سباحة في المياه الشفافة، وسط الشعاب المرجانية وأسراب الأسماك الملونة. بعد كدة فسحني هتقدم ليكوا رحلة سفاري غريبة شوية لـ"وادي جنى" هتخترقوا الصحراء وتركبوا بيتش باجي وتسكتشفوا بنفسكوا صحراء دهب، وبعدين هتزوروا "الثري بولز"، ودي حمامات سباحة طبيعية على شاطئ دهب وهتنزلوا فيها.
وهتختموا اليوم بحفلة خاصة بدوية، وكمان حفلة رأس السنة وألعاب نارية مع فريق فسحني، وكل جروب الرحلة بعد يوم كامل من الغطس والسنوركلينج، بعدين هتتحركوا على جبل "الطور" جبل موسى عليه السلامن وهتجهزوا نفسكوا وتبدأوا تتسلقوا الجبل.
وبعد لما تنزلوا من الجبل، هتدخلوا دير سانت كاترين مع المرشد بتاعهم، وبعدها هتتحركوا على القاهرة، وطبعًا هتتصوروا في كل مراحل الرحلة في "البلو هول – الثري بولز – جبل موسى – خليج الفيورد". البرنامج هيكون شامل الباصات حديثة مكيفة تسع من 25 لـ50 فرد، وعربيات الجيب اللي هتنقلنا للبلو هول - الكافتريات السياحية. أسعار الحاجات الاختيارية الدايفنج: 250 جنيه البيتش باجي: 120 سنجل و160 دبل أدوات سنوركلنج (ماسك + لايف جاكت): 35 جنيه و الغدا هيكون بـ35 جنيه للحجز و الاستعلام سارة: 01010887004 – 01155468964 - 01142924303 - 0128545799 محمد بلح : 01155468964 whatsapp :01155468964 للحجز عن طريق خدمة فودافون كاش "يضاف 3% مصاريف تحويل"، أو عن طريق البنك الأهلي، برجاء التواصل مع أ/ سارة خدمة التوصيل لمناطق أخرى مصر الجديدة - العباسيه - مدينة نصر - الدقي - وسط البلد - العتبة – حدائق القبة، هيتم إضافة 10 جنيه خدمة التوصيل آخر ميعاد للحجز يوم 28 ديسمبر، ولو هتلغوا الحجز قبل الميعاد ده هيرجع ليكوا 50% بس من المبلغ اللي دفعتوه، لو هتلغوا الرحلة بعد ميعاد الحجز مش هيرجع ليكوا المبلغ اللي دفعتوه. الرحلة ممكن تتلغي لو موصلوش للعدد المطلوب، والحجز هيتقفل لما يوصلوا للعدد المطلوب، ولو عايز تجيب ابنك هيكون حضوره مجانًا بس مالوش كرسي، والانتقالات بأتوبيسات حديثة مكيفة. وعشان تتعرفوا أكتر على «فسحني» زوروا موقعهم من هنا.
