فرحك قرّب؟.. اختاري المصور المناسب

بنات كتير نفسها تجيب فوتوجرافر (مصوّر) في فرحها، بس بتكون خايفة إنه ياخد فلوس كتير.. وعشان دي ليلة عمرك، ولازم كل لحظة فيها تتوثق، «شبابيك» بحث على مصورين  أسعارهم مناسبة وفي نفس الوقت صورهم مختلفة وفيها أفكار :)

دوس فوتوجرافر 

"دوس" بيدخّل على صور فرحك لمسة تاريخية عريقة، يعني هتحسى أول ما تشوفى صورك إنك مَلِكَة واقفة في قصر ملكى من بتوع زمان، وسعر الفرح بيبدأ من 1500 جنيه، وده هيكون تصوير الزفة وتصوير داخل القاعة، و2500 جنيه لو هيكون فيه سيشن تصوير قبل الفرح بساعتين+ تصوير الزفة+ تصوير داخل القاعة، و3500 جنيه لو هيكون تصوير تحضيرات الفرح من الصبح+ سيشن تصوير قبل الفرح بساعتين+ تصويرالزفة+ تصوير داخل القاعة.

مجدي المنسوب فوتوجرافر 

يعتمد مجدى في تصويره على الأفكار «المطرقعة» يعني مثلاً لو عايزة في فرحك مجموعة صور تكوني انتي فيها أمينة، وجوزك سى السيد، فمجدى هيجهز لكم الإكسسوارات والمكان وكل ما يخص الشخصيات اللي هتتقمّصوها :D.

أما بقى بالنسبة لسعر الفرح فبيبتدي من 700 جنيه لتصوير الزفة وتصوير القاعة، و900 جنيه لو تصوير "سيشن" قبل الفرح وتصوير الزفة وتصوير داخل القاعة و1000 جنيه لو تصوير تحضيرات الفرح من الصبح وسيشن تصوير قبل الفرح وتصوير الزفة وتصوير داخل القاعة، ولو خطوبة بيكون السعر من 500 لـ700 جنيه، ولو عيد ميلاد هيبقى السعر من 300 لـ500 جنيه.

أحمد القطان فوتوجرافر 

أحمد بيعرف إزاى يستغل الإضاءة الملونة في خدمة الصورة، فبتحسى إنك منورة وسط بهجة ألوان الإضاءة، وكمان لما تتفقوا معاه انتي وعريسك، بيتكلم معاكم عشان يعرف الجو اللي حابين تتصوروا فيه، ويستعد للتفكير في صور مختلفة للجو اللي اختارتوه، وبالنسبة لسعر الفرح فبيبدأ من 1750 لو تصوير الزفة وتصوير داخل القاعة، و2000 لو تصوير سيشن قبل الفرح وتصوير الزفة وتصوير داخل القاعة، و2500 لو تصويرك من أول تحضيرات الفرح الصبح وتصوير السيشن قبل الفرح وتصوير الزفة وتصوير داخل القاعة.

عمرو ممدوح فوتوجرافر

المصور عمرو عنده القدرة إنه يصور العروسة لقطة على غفلة وتطلع صورة مبهجة جدًا، وبالنسبة لسعر الفرح، فبيكون في ما بين 2000 جنيه إلى 2500 جنيه، وعامل عرض لفترة محدودة ولو شافوا إقبال عليه ممكن يمدوه.

العرض

عرض تصوير الأفراح لسنة ٢٠١٦ بأسعار ١٥٠٠ و١٨٠٠ و٢٠٠٠ جنيه فقط لفتره محدودة العرض يشمل الآتي:

١٥٠٠ جنيه يشمل:- -تصوير الفرح من بداية الـFirst Look حتى نهاية الفرح -تسليم الصور قبل الـEdit في نفس يوم الفرح - تسليم الصور على Flash Memory بعد الـEdit