ودعي العزوبية بفقرة صعيدي في ليلة الحنة
«حنتك» هي الليلة اللي بتودعي فيها حياة العزوبية، وعشان كده لازم يكون فيها فقرة أغاني مختلفة، متعودتيش أنك تسمعيها و«الفقرة الصعيدي» هي الفقرة اللي بتقترحها عليكِ «شبابيك».
الفقرة الصعيدي فيها بهجة وإيقاع، وبتتكلم عن حالة فرحك، افتكري فيلم «الزوجة التانية» ومسلسل «الوتد» وازاي كانت ظاهرة فيهم الأغاني الصعيدية دي، وحالة الفرحة اللي بتعملها في حنة العروسة. وعشان كل اللي هيحضر الحنة يحس بالجو الصعيدي ده، جهزي جلابية فلاحي ومنديل «بقوية» تلبسيه، وميلي يا صبية ميلي.. تعالي بقى اتعرفي على الأغاني عشان أصحابك يحفظوها. أغنية «أهو جالك أهو» أهو جالك أهو أهو أهو.. ريح بالك أهوو أهوو أهوو أغنية «كتبوا كتابه في المندرة» كتبوا كتابه في المندرة عروسته حلوة صغيرة أغنية «ادلع يا عريس»
ادلع يا عريس يا أبو لاسه نايلون.. ادلع يا عريس وعروستك نايلون أغنية «الليلة الحنة» الليلة الحنة وبكره الدخلة زغرطوا يابنات يابنات الحنة أغنية «اوعيله يابت اوعيله» اوعيله يابت اوعيله ده الظابط يبقى عديله اوعاله يا واد اوعاله ده الظابط يبقى خاله أغنية يا حلاوتك يا استفندي يا حلاوتك يا ستفندي يا بن عم البرتقان.. يا حلاوتك وأنت طارح في الجنينة في الأوان عروستنا في بيت أبوها أربعه بيزوقوها وعريسنا يقول هاتوها دي وحشاني من زمان أغنية على النسب يا غالي علّي النسب يا غالي خدنا الأصيلة بنت المجام العالي خدنا الأصيلة اقرأ أيضا http://shbabbek.com/SH-25805 http://shbabbek.com/SH-38559 http://shbabbek.com/SH-37625
