شغلك في الإجازة عندنا
"الإجازة مش بس مجال للترفية".. الجملة دي ممكن يستغربها كتير مننا لأن دائمًا في ربط بينها وبين الراحة اللي معظمنا بيشوفها الوسيلة الوحيدة للاستمتاع، صحيح دي ممكن تكون وجهة نظر الأغلبية بس في جزء مهم مننا كان ليه وجهة نظر مختلفة بتشوف إن الكورسات مش كافية لتطوير الأداء الشخصي.
الفريق ده حصوله على وظيفة كان شغله الشاغل بعد الامتحانات، لأن الخبرات الحياتية اللي هيشوفوها ويعاصروها في الشغل سواء في مجالات تخصصاتهم أو في أي مجال آخر ستكون مختلفة تمامًا عن الكورسات والدراسات الشخصية.
وبما أن في كتير مننا مهتم بالوظائف.. "شبابيك" قررت إنها تساعدكوا باستعراض إيفينت مجاني هيعلمك إزاي تطور من نفسك علشان تلاقي وظيفة مناسبة في الإجازة.
"خلصت امتحانات وعاوز تشتغل.. الحل موجود عندنا"، الإيفينت ده بيستهدف الطلبة والخريجين اللي بيدوروا على شغل من خلال تعليم الآتي:
- كيفية استغلال الوقت على الإنترنت.
- إعلانات فيس بوك وأهميتها.
- أهم الأسرار في إعلانات فيس بوك.
- كيفية استهداف عملاء الإنترنت.
- الإنترنت وسيلة بديلة للشركات.
- كيفية تسويق المشروعات الخاصة سواء كانت متعلقة بالتصوير أو أي من الهوايات الأخرى بأبسط الطرق وأقل المجهودات.
القائمون على الإيفينت حددوا يوم الجمعة الموافق 5 فبراير 2016 من الساعة 5 لـ 8 مساءً للتجمع في مكان سيتم تحديده مع المتواصلين على صفحتهم.
وبالنسبة لخطوات التسجيل، تتم من خلال إرسال الاسم ورقم التليفون في رسالة للصفحة.
أما عن التواصل مع منظم الإيفينت فيتم من خلال: 01226874406
