6 أشياء يجب ألا تفعلها عند «الانفصال»
لما بندخل في علاقة عاطفية تركيزنا الطبيعي بيكون على الإيجابيات والحياة السعيدة اللي بتكون في انتظرنا من غير ما يخطر ببالنا لحظة إن العلاقة دي ممكن تنتهي لأي سبب.
طيب لو انتهت العلاقة هل هنعرف نتحكم في شكل الانفصال بحيث يكون لائق، ولا تصرفاتنا هتخليه غير لائق لدرجة تكرهنا وتخوفنا من الدخول في أي علاقة جديدة.
علشان كده قبل ما تقرر الانفصال، لازم تكون عارف إن من حق الشريك عليك إنهاء الأمور معاه بشكل لائق من غير ما تتحول إلى شخص قاسِ. «شبابيك» هتقولك على أمثلة بسيطة لأشياء لا يجب أن تفعلها عند انتهاء العلاقة:
إظهار عدم الاهتمام:
في معظم الحالات لما طرف من الاتنين بيقرر الانفصال بنلاقي واحد فيهم يببدأ يُظهر إنه مش مهتم بمعنى إنه عايش حياته وبيخرج ومبسوط أكتر من بعد الانفصال، وإن حياته كان ناقصها القرار ده علشان يعرف يعيش صح، مع إن الحقيقة بتكون عكس اللي ظاهر لإن اللي مبسوط في حياته مبيعملش مجهود لإظهار سعادته.
التحدث عن عيوب الطرف الآخر:
من الأخطاء المنتشرة بين المنفصلين هي التحدث عن عيوبهم لأصدقائهم وأقاربهم وكأن ما مر عليهم ليس بشىء يستحق الاحترام والتقدير، لذلك إذا كنت تعتقد أن هذه الطريقة ستنفعك لاحقًا في تخطي هذه المرحلة، فأنت مخطىء تمامًا لأنها ستنفر الآخرين منك بعد ذلك.
المبالغة في التمسك بالشخص:
العنصر ده للأسف كتير مننا بيعمله من غير ما يُدرك إن اللي بيزيد عن حده بينقلب ضده، يعني مفيش مشكلة لو كنت لسه باقي على الشخص ده في حياتك، بس لو لقيته مصمم على الانفصال لازم تحترم قراره؛ لإن الحب علاقة بين طرفين مش واحد بس.
لا تتهمه بالخيانة من أجل إنهاء العلاقة:
إذا كنت ترغب في الدخول بعلاقة جديدة لا تتهمه بالخيانة؛ لأن هذا سيجعل موقفك أكثر سوءًا، لذلك ينبغي عليك مصارحته بأنك لم تعد تحبه وأن الانفصال هو الحل الأفضل.
لا تخبره بالانفصال عبر الرسائل النصية:
عندما تقرر إتخاذ قرار مثل هذا، لا ينبغي أن يتم عبر رسالة نصية عابرة، فمهما حرصت على أن تكون صياغة رسالتك جيدة، فإنه يظل تصرفًا قاسيًا. لذلك فإذا كنت قد اتخذت القرار، يجب عليك أن تتحلى بالشجاعة الكافية لمواجهة العواقب.
إفشاء الأسرار
مش لازم علشان قررت الانفصال تفشي أسراركم وتقولها لكل أصحابكوا، حاول إنك تكون على مستوى الانفصال زي ما كنت في الأول على مستوى الإرتباط.
اقرأ أيضًا: http://shbabbek.com/SH-44115 http://shbabbek.com/SH-42285
