للمحاسبين.. «دبلومات» و«دورات» هتفيدك في مستقبلك
كتير مننا لما بيتخرجوا بيكونوا مش فاكرين أي حاجة من اللي درسوها وبالتالي بيلاقوا صعوبة في الشغل، وفي منهم اللي بيكون مخطط هيعمل إيه علشان يلاقي وظيفة مناسبة بعكس فريق تاني حياته ماشيه من غير تخطيط.
وعلشان كده «شبابيك» قررت إنها تساعدكوا سواء كنتوا بتشتغلوا أو بتدوروا على شغل من خلال لينكات لدورات ودبلومات في أول مجال لينا وهو المحاسبة.
- مبادىء المحاسبة المالية:
الكورس ده على اليوتيوب عبارة عن 48 فيديو بوقت إجمالي 12 ساعة، صحيح في ناس هتشوف إن مستحيل اللي اتعلمته في 4 سنين هتفهمه في 12 ساعة، ولكن في الحقيقة الكورس ده هيفيدك جدا.
للإطلاع على الكورس: اضغط هنا
- دبلومة المحاسبة العملية:
دى بقى دبلومة محاسبة مالية علمية وعملية، عبارة عن 9 فيديوهات بوقت إجمالي 15 ساعة، من خلال الدبلومة دي دى هتقدر تفهم كل المحاسبة اللي اتعلمتها بـ9 فيديوهات بس ومن غير أي فلوس:
للاطلاع على لينك الدبلومة: اضغط هنا
- محاسبة التكاليف:
بعد ما عرفت يعني إيه محاسب مالي وإزاي تتعامل مع الموازنات، وفهمت يعني إيه مدين ودائن، الخطوة الجاية إنك تشوف دلوقتي دورة محاسب تكاليف اللي هي الشغل بتاع الشركات.
الدورة عبارة عن 27 فيديو بوقت إجمالي 5 ساعات بس.
للاطلاع على لينك الدورة: اضغط هنا
- دبلومة عالمية في محاسبة التكاليف:
خلاص شوفت دورة محاسبة التكاليف، بس حابب تنمي نفسك فيها علشان تكون محاسب عالمي، شوف الدورة دي عبارة عن 10 فيديوهات وقتهم الإجمالي 17 ساعة.
عبارة عن شهادة ودبلومة في محاسبة التكاليف.
للاطلاع على اللينك: اضغط هنا
- محاسبة إدارية:
وطالما بنتكلم عن المحاسبة لازم نجيبلك لينكات عن دورة المحاسب الإداري بوقت إجمالي 4 ساعات.
للاطلاع عليها عبر اليوتيوب: اضغط هنا
- محاسبة إلكترونية:
في ناس هتيجي تقول بس دلوقتي أغلب الشغل بقى محاسبة إلكترونية ومش كل الشركات بقت بتعتمد على التسجيل والدفاتر، هقولك دي دورة محاسبة إلكترونية على برنامج الإكسيل كاملة مدتها ووقتها كبير شوية بس بتعلمك كل المحاسبة الإلكترونية.
للاطلاع: اضغط هنا
