كورسات هتغير حياتك ببلاش
عالم الإنترنت بيفاجئنا كل يوم بحاجات جديدة في مواقع تعليمية أو كورسات حياتية. وبما إن في ناس معندهاش خبرة كبيرة في التعامل مع العالم الواسع ده، «شبابيك» هتعرفك على 5 مواقع هتفيدك أكتر من «فيس بوك» و«تويتر».
- موقع تيد TED:
TED هي اختصار لـTechnology «تكنولوجيا»، وEntertainment «ترفيه»، وDesign «تصميم».
وهو عبارة عن قاعة يتم فيها إلقاء محاضرات من مختلف أنحاء العالم لمدة تصل إلى 18 دقيقة كحد أقصى.
ومن ضمن المحاضرين الذين ألقوا محاضرات بها كان بيل جيتس، مؤسس شركة Microsoft، وبيل كلينتون، ولاري بايج، مؤسس Google، وغيرهم.
اللينك ده فيه كل محاضرات الموقع مترجمة للغة العربية، للاطلاع: اضغط هنا
- موقع Coursera:
واحد من أشهر مواقع كورسات الأونلاين، وعليه هتلاقي كورسات مجانية في كل المجالات وأحيانًا بتاخد شهادة بعد ما تخلص الكورس، الكورسات بتكون باللغة الإنجليزية، فحاول تحسن من لغتك عشان تقدر تتفاعل مع كل محتويات الكورس وحلقات النقاش.
كما أيضًا الاطلاع على موقع «Udacity» من خلال الضغط هنا.
- موقع رواق Rwaq:
للأسف أغلب المحتوى العلمي الموجود على الإنترنت بيكون باللغة الإنجليزية، وده بيكون عائق أمام ضعيفي المستوى في اللغة.
بس في الفترة الأخيرة ظهرت منصات بتقدم كورسات باللغة العربية في مختلف المجالات كان من ضمنها «رواق»، اللي بتقدم الكورسات بشكل مجاني.
- موقع ويكي هاو wikihow:
نفسك تعمل حاجة معينة ومش عارف الطريقة، مش لازم تكون حاجة عملية ممكن تكون حاجه زي «طريقة عمل المكرونة»، أو«التزحلق على الجليد»، أو«الرسم».
الموقع ده موسوعة عن كيفية عمل أي شيء، ولذلك جميع مقالات «ويكي هاو» تبدأ بـ«كيف» أو «How to»، حيث أن به ما يقرب من 100 ألف مقال في شتي مجالات الحياة، كما أن مدة الفيديو به لا تتعدى الـ 10 دقائق. الموقع متوفر بـ 60 لغة منهم العربية.
- موقع العلوم الحقيقية، أو الباحثون السوريون:
إذا كنت من متابعي أحدث ما وصل إليه العلم من أبحاث واكتشافات ومقالات مترجمة، بالإضافة لمقالات في أغلب مجالات الحياة (طب- رياضيات- اقتصاد- علم نفس..)، يمكنك متابعة أيًا من الموقعين للاستفادة.
كما يمكنك أيضًا الاطلاع على موقع «العلوم الحقيقة» من الضغط هنا.
