للبنات.. الحنة مادة حارقة لهذه الأسباب
كلنا بنجب نرسم الحنة وخصوصًا في فرحنا لأننا بنشوف إنها بتزيد جسمنا جمال بس في الفترة اللي فاتت أجسام بنات كتير اتشوهت بسبب الحنة وده اللي خلى «شبابيك» تسأل دكتور الأمراض الجلدية «هاني الناظر» عن السبب وكانت الإجابة إن الحنة مادة حارقة لهذه الأسباب.
الحنة زي ما كلنا عارفين هى نبات بس يضاف ليها مواد مثبتة للون والمواد دي خطيرة جدًا على الجلد لأن المادة دي بتسبب حساسية موضعية وهتخليكي تحسي إحساس الحرق وبعد كدة هيحصل ليكي التهاب حاد مكان الرسمة اللي أنتي عملاها وبعد كدة هتسيب بقع لونها بني والبقع دي عشان تشيليها هتحتاجي تعملي عمليات ليزر لأنها بيكون صعب أنها تتشال بسهولة.
وعلاج الإلتهاب الحاد ده بيكون كريمات الكورتيزون اللي هتعالج إلى حد ما بس كترها ليه أثار جانبية كتيرة منها إنه هيسبب ضمور الجلد وزيادة شعر الجلد. وعشان كدة دكتور هاني الناظر بيحذر من استخدام الحنة نهائي وبيقول إن لو استخدامك ليها مرة عدى بسلام استخدامك ليها بعدين مش هيعدي.
ولو عايزة تستخدمي الحنة بدون مواد مثبتة للون استخدميها ولو مظبطتش معاكي رسمتها متستخدميش أبدًا الحنة اللي فيها مواد مثبتة للون.
وبالنسبة لـ«التاتو» نصح «الناظر» إنك متعملهوش كمان لأن فيه مادة صبغية مثبتة للون وده هيسبب ليكي أمراض بتتنقل عن طريق الدم
والصور ديه هتوضح ليكي كلام الدكتور .
والصورة ديه بتبين حنة الحواجب واللي سببته من حساسية في العين أدت لإنتفاخها
